الحلقة العشرون من أولاد الجبالى3 بقلم شيماء سعيد

أولاد الجبالى 3
الحلقة العشرون 
بسم الله والصلاة والسلام على رسول الله 
كأن الذي في القلب سحر أصابني
فأمسى جنون الحب في كل موضع
فأنت لي الروح التي بين أضلعي
وعيني التي ترنو وقلبي ومسمعي
فلا زهرة إلا وجدتك عطرها
ولا غفوة إلا وأنت معي
وإن كنت في حلم فدعني أعيشه
ويا ليت قلبي لا يفيق ولا يعي ..
لم يستطع براء حل مشاكله المتراكمة مع زاد ولم يجد مفر سوى الهروب منها دون مواجهة وهى نائمة ولم يترك لها سوى رسالة من مجرد كلمات وظن إنها معبرة ولكن القلب عند زاد امتلىء خيبة وألم وقهر فلن تجدى معها تلك الرسالة .

ثم ودعهم براء ولكنه قبل أن يغادر شعر بنغصة فى قلبه ألمته وتسائل هو البعد عنيكم عيوچع الجلب أكده 
فأغمض عينيه پألم واستطرد يارب سلم .
ثم إلتفت وغادر سريعا قبل أن يضعف قلبه أمامها وظن إن هذا الحل هو الأسلم لعلاقتهم حتى لا تتدهور أكثر من ذلك.
ولكن ما فعله خطىء فمواجهة المشكلات فى حينها أفضل من تركها تتراكم حتى تولد الإڼفجار .
ليجد محمود على باب غرفته مع نهلة يودعها مردفا خلى بالك من نفسك يا نونو .
_ يلا سلام يا قلبى .
لتجيبه بحب وأنت خلى بالك من روحى اللى أخدتها معاك وأنت ماشى يا جلبى .
ومتتأخرش عليه عشان بتوحشنى حتى وأنت معايا .
فتنهد محمود بحرارة وقال بعشق جارف لا مقدرش أنا على الكلام الحلو ده كله .
فتعالت ضحكات نهلة حتى دمعت عيناها ثم إجابته على عيونى والله. 
_ بس معلش عديها يا سيادة المقدم ويلا زوج عجلك وشوف شغلك .
محمود بضحك كده ماشى .
محمود سلام يا روح الروح.
فتلون وجه براء بحمرة الغيظ وصك على أسنانه محدثا نفسه لا إكده كتير وسدوا نفسى على الصبح وأنا فيه اللى مكفينى .
وعندما أغلق محمود باب الغرفة على نهلة وجد براء من ورائه يقبض على مؤخرة عنقه مردفا بغيظ صباحية مباركة يا عريس إيه معتزهجش من الحب اللى يموع النفس ده !!
أخرج براء زفيرا حارا قائلا أنا فعلا هبعد وحاسس إن ده الأسلم دلوك عشان معنديش إستعداد للكلام ولا للعتاب وحاسس لو فعلا كلمتها زى ما بتجول أكده هطربقها فوخ نفوخها اكتر لأنها مهتحسش إنى راچل وليه حقوق عليها.
إحتضن محمود ذراع براء وسار معه للخارج وهو يحدثه بعقلانية يفتقدها براء الحياة يا صاحبى مش حقوق و بس .
_ لازم تدى قبل ما تاخد وعشان كده أعمل الواجبات اللى عليك وبعدها إنتظر حقوقك هتاخدها بالكامل وزيادة كمان .
_ لأن الست اللى بتلاقى إهتمام ومحبة وتقدير من جوزها بتلاقيها زى الفراشة اه والله بتطير من الفرحة وبتديك أضعاف أضعاف اللى أنت أدتهولها .
حرك براء رأسه بإستياء قائلا دى لما تكون بتفهم لكن زاد مش نافع معاها حاجة .
_ دى ولا يعجبها العجب ولا الصيام فى رجب .
محمود بنفاذ صبر تعبتنى معاك يا براء وحاسس أنه بيتهيئلك كده لأن فعلت مدام زاد حسب كلامك عنها فى البداية ومعرفتى بيها إنسانة كويسة جدا فخسارة تضيعها من إيدك بالسهولة دى
براء وانا قولتلك عطلقها!.
_ أديها جاعدة على جلبى .
محمود الطلاق مش شرط يكون بكلمة صدقنى الطلاق النفسى أصعب وأشد .
طالعه براء بإندهاش قائلا انت شكلك بقيت حكيم وأنا مش عارف ولا ايه !!
على العموم نتكلم بعدين عشان ألحق أوصل فى معادى .
محمود توصل بالسلامة ان شاء الله وابقى طمنى عليك .
_ وأنا كمان هروح أشوف آخرة المعتوه