حواديت جبريل
"اللهم صل وسلم على نبينا محمد وعلى آله وصحبه أجمعين بعدد كل شيئ وملئ كل شئ"
___________________
-سمعت تكت المفتاح وأنا وقفه في المطبخ وكعادتنا الي من ٣ سنين سبت الي في أيدي وروحت علشان أستقبلهُ بحب ما هو جوزي برضو.
-بعدت شويه وأنا بصالهُ باستغراب من سكوتهُ_مالك ياحبيبي؟
-مليش،الأكل جاهز؟
-وقفت قدامه _أيه الي مدايقك في أيه؟
-نفخ بديق وأتكلم بعصبيه_مش تحقيق هو يامي قولت مفيش.
-أنت شايف إنه بأسلوبك دا مفيش بجد!
-زعق بعصبيه_مش هنخلص أنا نازل.
-أخد المفاتيح ونزل من تاني،وقفت مكاني مصدومه من الي حصل أنا كنت عايزه أعرف مالوا ليه يزعق ويتكلم معايا بالطريقه دي؟ فضلت قاعده شويه علي الكنبه وبعد كدا قومت علشان أصلي ركعتين وأشغل سوره البقره في البيت ما أنا مش هسمح لشيطان يدخل بينا والمشكله تكبر أكيد، بس جرس الباب وقفني.
-فتحت وكانت جارتي الي ساكنه قدامي، كلامنا محدود وعمري ما زورتها فازيارتها كانت بالنسبالي غريبه لأني نادرََا لما بدخل حد بيتي_أهلََا ياحبيبتي أتفضلي.
________________
-دخلت وبعد سلام ورغي في الولا حاجه لقتها بصتلي بخبث_بس أستاذ جبريل صوتهُ كان عالي النهارده خير أنتوا أتخانقتوا؟
-بصتلها باستغراب من فضولها السخيف_لا عادي متشغليش بالك.
-قربت مني_ياحبيبتي فضفضي أنا أكبر منك وهعرف أخليكي تصالحي.
-فضلت محافظه على برودي ماهي في بيتي ومينفعش أضربها_تسلمي قولت لحضرتك متشغليش بالك أنا بعرف أحل مشاكلي.
-بصتلي بسخريه_وعلشان كدا بتخلي يعلي صوتهُ عليكي ومين عالم بكره يمد أيدهُ بدل لاقي السايب في السايب.
-فضلت بصالها شويه يعني أنا طول عمري بسمع عن الستات الحرابيئ بس دي أول مره أشوفها،ضحكتلها باستفزاز _تقصدي يبقي زي جوزك كدا ويصبحني ويمسيني بعلقھ لا متقلقيش حبيبي متربي.
-ضحكت بتوتر_أنا شيفاكي زي أختي الصغيره بس وقولت أنصحك.
-مطلبتهاش.
-بصتلي باستفاهم اللهم بارك حربايه وغبيه _هي إيه؟
-قومت وقفت وروحت نحيت الباب_نصحتك مطلبتهاش ياغاليه شرفتي وياريت متتكررش تاني.
