القدر
"اللهم صل وسلم على نبينا محمد وعلى آله وصحبه أجمعين بعدد كل شيئ وملئ كل شئ"
________________ (تلاعُب القدر)
قاعد قدامي بهدوء بعد ما دخلنا الشقه وقاعدت علي أول كنبه قابلتني_يمكن أو أكيد مش عايزه تسمعي أي حاجه، بس أنا محتاج أتكلم.
-بصتله بهدوء الي يشوف رده فعلي يحس إني فيا حاجه أو دي بوادر أنيهار،بس أنا فعلََا مش زعلانه يمكن لأن الموضوع كله عادي ومش فارقلي_هنتكلم في أيه؟ الي حصل حصل خلاص.
-مسك أيدي بعد ما كنت هقوم_بس أنتِ ملكيش ذنب.
-ولا أنت ليك ولا حتي مراد.
-أتكلم بغضب_دا هو أُس المصېبه دي كلها.
-بصتله بلوم وأنا ببلع غصه ۏجع _طب قولها في ضهري علي الأقل راعي مشاعر البني آدمه الي قاعده معاك.
-أتكلم بتراجع وأسف_أنا مقصدش والله..
-قاطعته_ولا تقصد كل الي حصل النهارده كان فوق تحمل أي حد فينا_بصتله بهدوء _أنا معرفش أي حاجه عن حياتك ومعرفش إذا كان فيها حد ولا لا، فا أين كان يا أبن الناس بطلب منك تحترم وجودي في حياتك لحد ما أختفي منها.
-طب وليه تختفي؟
-بصتله باستغراب فكمل_بتحبي مراد؟
-هزيت راسي ب لا.
-طيب ليه منديش لنفسنا فرصه في خلال السنه الي هنعشها سوا؟
-علشان أنا مش هقدر أنسي أنك أتجوزتني لمجرد أنك تلحق ڤضيحه أخوك كان هيبقي سببها_بصتله وأتكلمت بسخريه_أكيد مش هكرر غلطتي مرتين،أختارت بعقلي مره أدي لقلبي فرصه بقا أظن يستحق!
-أتكلم بهدوء_خلاص يبقا الي بينا قلبك.
-فضلت بصاله بصمت وتوتر مش قادره أفهموا ولا أفهم يقصد أيه وبعد مده بصتله بتساؤل_أنت ليه رفضت أن مراد يتجوز البنت الي بيحبها وجبرته عليا؟
بص النحيه التانيه وبعدين بصلي_علشان مش شبهُ وهتتعبوا، مراد أبني وأخويا الصغير أنا الي مربي من بعد أبويا وأمي ما ماتوا،وبعدين هو متجبرش عليكي هو أختارك بعقله.
-بس أختيار القلب ديمََا كسبان.
-بصلي بغموض_أتأكدت من دا النهارده.
- غيرت الموضوع _بس برضو دا مش مبرر يخليك ترفض حاجه مهمه زي دي في حياته، علفكرا هو حاول يحبني في خلال خطوبتنا بس مقدرش ودا كان واضح وضوح الشمس، ليه خليته يعاني كدا؟
-وأنتِ ليه كنتِ هتكملي في جوازه مش حاسه فيها بحب أو أمان؟
-متجاوبش على سؤالي بسؤال.
-ضحك برزانه وبصلي_أنا مخلتهوش يعاني أنا وريته إنها بني آدمه ماديه ووجودهُ معاها هيوجعوا وبس_بصلي بعد ما كان باصص النحيه التانيه _بس واضح أن كل واحد فينا حاسباتهُ كانت غلط وربنا رتبها بالطريقه الي تريحنا.
-سرحت في كلامه أكيد ربنا لي حكمه في إننا نتجمع في بيت واحد ومراد يروح لحبيبته،وبعد ما سكتنا شويه بصتله لقيته باصصلي_عايز تقول أيه؟
-ليه وافقتي؟
-بصيت في الأرض ومسكت طرف خماري كمحاوله إني معيطش_علشان مبقاش لوحدي.
-بصتله لقيته باصصلي بۏجع وحزن ضحكتله بخفه_لا مش عايزه أصعب عليك.
-أنتِ عارفه إنك جميله أوي.
-قومت وقفت_ ياسيدي الله يجبر بخاطرك.
-حققك علي قلبي من كل دول.
-ياعم عادي وبعدين دي دنيا أهم حاجه ربنا يرضى عننا أي حاجه تانيه تهون.
-دخلت الأوضه وانا شايفه ملامح الصدمه علي وشه من ردود أفعالي، مش عارفه أضحك علي برائهُ برغم أنه راجل لكنها مرسومه في تفاصيلوا كلها، ولا أضحك على دنيتي الي مُصره تخلي نهايه كل حكايه برسمها مفاجأه لقلبي.
___________________
أنا مي من وأنا عندي١٧ سنه ماما وبابا أنفصلوا وكل واحد فيهم سافر وشاف حياته، وأنا عيشت مع تيته لحد ما بقا عندي ٢٠ سنه وهي كمان سابتني بس ڠصب عنها قابلت رب كريم وسابتني أخبط في الدنيا، بس علشان أكون صادقه ربنا مسابنيش ولا مره دايمََا كارمني حتي الحاجه الي بتمنها ومبتحصلش بيعوضني بأحسن منها،ولو معوضنيش كفايا إنه يبقي راضي وبس، فضلت عايشه ٥سنين لوحدي بشتغل وعايشه في الشقه بتاعت تيته لأنها كتبتها بأسمي، لحد ما مراد أتقدملي شوفتهُ حد عادي، وبرغم أني كنت بقول أزاي نتجوز حد مش حاسين بنحيته ب أي حاجه كنت هتجوزه، علشان تعبت من مواجهه كل حاجه لوحدي، تعبت من كوني راجل وست لنفسي، بس القدر كان لي رئي تاني وليله فراحنا مراد مجاش وبعتلي رساله ملخصها إنه بيحب حد تاني وحاول كتير ينساها ويحبني بس مقدرش وعلشان ميظلمنيش أكتر من كدا مشي، بصراحه مزعلتش منه، أصل ليه تبقي بتحب حد وتتجوز حد تاني غاوي ۏجع قلب وخلاص! وعلشان السين والجيم والمعازيم جبريل هو الي أتجوزني ولما كان حد بيسأل هو مش دا فرح مراد؟ كنا بنقول أيوه وفرحنا أحنا كمان بس هما سافرهم أتقدم وأتضطروا يسافروا علطول، والليله مشيت ومحدش دقق لأننا معزمناش حد في خطوبتنا وأديني في بيت حد عمري ما بصتله على أساس إنه زوج، مش هنكر وأقول إني مزعلتش من الموقف إجمالي لانه يدايق، بس أنا خططت حاجه وربنا كرمني بحاجه تانيه خالص مش طبيعي أفضل زعلانه علي حاجه ربنا هو الي خططهالي.
________________
غيرت ونمت علطول واليوم جاب يوم لحد ما عديٰ إسبوع وأحنا مع بعض، أينعم كلامنا قليل بس علي الأقل بنتكلم وبنحاول نفك الغاز بعض، وفي يوم قومت بليل زهقانه فاقرارت أروح أعمل أكل زهق يعني أكل معروفه، دخلت المطبخ بصيت في الساعه لقيت لسه شويه علي الفجر وبدأت أحضر الي هاكله.
-بتعملي إيه؟
-الصوت كان قريب من وداني وكارده فعل طبيعيه صړخت بخضه_ياجدع هتقطعلي الخلف مش كدا.
-ضحك وهو بيقف بطوله بعد ما كان موطي ليا_دا انتِ خفيفه أوي.
-والله ياسكر؟
-هو في سكر زيك.
-ضحكت بكسوف_علفكرا أنا بتريق مش بعاكس.
-بصلي تاني وضحك بحب_بس أنا بعاكس.
-جبريل هو أنا ليه حاسه إنك غريب؟
-بصلي شويه وبعدين قرب مني خطوه_أو بحبك.
________________
يتبع...
"اللهم صل وسلم على نبينا محمد وعلى آله وصحبه أجمعين بعدد كل شيئ وملئ كل شئ"
________________
(تلاعُب الأقدار "2")
-بصتله پصدمه ورجعت خطوه لورا بعدم تصديق_أنت بتقول أيه؟
-رددتها تاني وهو بيقرب الخطوه الي بعدتها وبص في عيوني_بحبك.
-أتكلمت بحِده_ دا الي هو ازاي؟
-هز كتافه ببساطه_مش لازم تعرفي أزاي.
-أومال أيه الي لازم أعرفه؟
-أني بحبك.
-قالها وخرج من المطبخ بكل برود، خرجت وراه وأنا بزعق وبتكلم بعصبيه_أنت واعي للي بتقولهُ ولا شارب حاجه؟
-ضحك بسماجه وهو بيلف يقف قدامي مباشر_أه شارب المر في حبك والله.
-ياجدع أنت مچنون؟
-أسالي نفسك.
-يابني أنت من أسبوع كنت شايف جوازنا مصېبه!
-بصلي بمشاكسه_تؤتؤ،أنا شوفت الحركه الي مراد عملها مصېبه مع إن فهمت أن دا أكتر حاجه صح حصلتلنا،لكن جوازي منك دا الحاجه الوحيده الي الدنيا نصفتني بيها.
-فضلت بصالهُ بنفس صدمتي وأستغرابي_يابن الناس بلاش أم الغازك دي وقولي دوغري في أيه؟
-قولتلك بحبك عايزه تعرفي أيه تاني؟
-ضيقت عيني بغضب_مثلََا أزاي؟
-سؤالك مش في محله ياميوي محدش بيسأل حد بيحبه بيحبه أزاي.
-قاعدت ورايا بغلب_ أنا مني لله أني دخلت أم العائله دي _بصتله بجديه _إنتوا مجانين ياجبريل.
-ضحك لحد ما عيونه دمعت على رده فعلي_أنتِ مشكله بجد.
-فضلت بتأمل ضحكته ومش مركزه هو قال أيه أصلََا، ما هو مش طبيعي ضحكته الي تخبل دي وعيونه قفلت وبقت سكر كدا ليه؟_ضيف علي مچنون قمور.
-ضحكته زادت وهو بصصلي پصدمه _قمور!
-أتكلمت بدون وعى_لدرجه تتعب.
-أستوعبت أنا قولت أيه لما ضحكته قلت وركز في عيوني قومت مشيت من قدامه كامحاوله هروب_أنا داخله أنام.
-قولتها وجريت علي الأوضة و قفلت الباب في وشه بس سمعت صوته ورا الباب_أنا عارف إنك مش فاهمه أي حاجه من الي بتحصل وبتسألي نفسك مليون سؤال، بس صدقيني كل حاجه في وقتها هتعرفيها.
-أنا مبحبش الألغاز.
-مش لغز تعالي نتفق علي حاجه؟
-فتحت الباب ووقفت قدامه بهدوء وهو كمل_لو حبتيني وحسيتي إنك عايزه تكملي عمرك معايا هحكيلك الحكايه كلها.
-ولو لا؟
-هيبقي أه ان شاء الله.
-هتخليني أحبك ڠصب يعني؟
-ضحك بخبث وهو بيسند أيدهُ علي باب الأوضه_تؤ برضاكي.
-ربعت أيدي قدامي _مش بقولك أنت لغز، جبريل هو أنت كنت متفق مع أخوك تعملوا فيا كدا؟
-بعد ما كان بيضحك بصلي بجديه _أبدََا أنا عمري ما أقدر أعمل فيكي كدا.
-أومال حبتني في أسبوع يا أبن الناس؟
-بص حواليٰ وبعدين بصلي _قولتلك لما قلبك يبقالي ساعتها هقولك كل حاجه.
-أوف بقا.
-ماتجيبي … ياميوي.
-رزعت الباب في وشه وأنا حاطه أيدي علي قلبي من رده فعله الي مش متوقعه أبدََا.
-سمعت صوت ضحكته_دا الي توقعته، مش بقولك بشرب المر ياحبيبي مصدقتنيش.
-نمت علي السرير وبصيت لسقف وانا سرحانه،أزاي بيحبني؟ وأزاي أنا مبسوطه كدا؟ أنا بجد مش فاهمه حاجه،فضلت بفكر لحد ما نمت.
________________
-قومت صليت الضحي "ركعتين في ركعتين" علشان ربنا يباركلنا في يومنا مع أذكارنا الجميله وعملت روتيني وبعد كدا طلعتله لقيته بيشرب قهوته في هدوء وهو مشغل سوره يوسف روحت قعدت جمبه _صباح الخير.
-بصلي وأبتسم بحب_صباحي شبهك.
-ضحكت بغلب_يابني بقا.
-الله أحنا مش أتفقنا الي بينا قلبك ماتسبيني أتصرف معاه بطريقتي.
-ركزت في عيونه من غير كسوف او تردد_أنت ليه بتعمل معايا كدا؟
-أتكلم ببساطه وحب_محتاج أرتاح وراحتي مش هتيجي غير بوجودك ورضاكي عن دا_ختم كلامه وهو بيشاور على قلبه.
-أبتسمت بكسوف وبعدين بصتله_أنا موافقه علي أتفاق إمبارح، بديلك فرصه يا أبن الهلالي تخلي دا يبقالك ويريح دا_ضحكت بعد ما شلت أيدي من علي قلبي وشاورت على قلبه.
أصل أيه أبشع حاجه ممكن تحصل؟ أنا في عمري كله محستش بالراحه والأمان الي أنا حاساهم في وجوده فاليه بقا أصعبها علينا أو أبعده عني، مش يمكن قلبي يميل وتكون دي بدايه فرحتي؟
يتبع...
______________
"اللهم صل وسلم على نبينا محمد وعلى آله وصحبه أجمعين بعدد كل شيئ وملئ كل شئ"
_______________(تلاعب القدر"الأخير")
-من يومها وأنا مزهقا والمشكله إنه متحمل يعني مثلََا:
-جبريل.
-عيونه.
-أنا عايزه أنزل أصلي الفجر معاك.
-بعد ما كان باصص في الفون بصلي بانتباه_مالك؟
-ربعت وقعدت قدامه بحماس_بُص ننزل نصلي الفجر مع بعض وبعد كدا نتمشي وأحنا بنقرء اذكار الصباح تكون الساعه جت ٧ كدا مثلََا نعدي بقا علي عمو صابر نجبلنا سندوتشين فول وبطاطس ونحبس بكوبيتن شاي بالنعناع.
-فضل مش مستوعب أنا بقول أيه_أنتِ سخنه طيب؟
-ضحكت بخفه_ياولاه هفطرك فطار ملوكي وتقولي سخنه دا أنا جوعت مجرد ماتخيلت.
-ضحك بحب وغلب من عاميلي_لما نشوف أخرتها معاكي.
______________
-لبست أدناء دا أنسب حاجه للمشوار السكر دا ونزلنا مع بعض والفجر كان بيإذن، كنت مفتقده صلاه الفجر في الجامع بطريقه مش طبيعيه،عمومن المسجد هو الثيرابي بتاعي الأول والأخير مهما بيحصل مجرد ما بروح وأصلي ركعتين خلاص كل حاجه هتتحل حتي لو دا محصلش فا كل دا خير،وبعد ما خلصنا أتمشينا وأتصورنا كتير وبعد كدا جبنا الفطار وفطارنا في بلكونتنا.
-بصلي بحب_أنا عمري ما تخيلت إني أعيش ليله بالجمال دا وأتبسط من قلبي كدا.
-ضحكت بغرور_عد الجمايل بقا،مش عارفه أنت الي هتوقعني ولا أنا الي هوقعك فيا بجد.
-لا متقلقيش أنا واقع من غير ما أسمي.
-ضحكنا بصمت والموقف خلص ومواقف كتيره بنفس المنوال لمده ٧شهور خليته يكسب وبقا كل حياتي، وفيٰ بوعده وخلاه ملكهُ وبينبض لي لوحده.
___________________
-قرارت إن النهارده هيبقي غير،النهارده نقطه لنهايه حكايه وبدايه حكايه تانيه خالص أنا وهو أبطالها، جهزت وأستنيته بتوتر لحد ما يرجع من الشغل.
-حبيبي أنا جيت.
-خرجتلوا من الأوضه وصوت كعبي هو الي مسمع وسط هدوئنا_حمد الله علي السلامه.
-حسيته أتوتر من هيئتي الي أول مره يشوفها بصتله وأنا بضحك بخفه_علفكرا أنا مراتك بتغض بصرك عني؟
-روحي البسي الأسدال أو أي حاجه تانيه يابنت الناس.
-وقفت قدامه وانا بلف بروته_الفستان وحش؟
-بص لعيوني بتوهان_دا يهبل.
-طب الميكاب؟
-بي ومن غيره مجناني.
-ضحكت وأنا حاسه إني أحلى واحده في الدنيا بسبب نظرته دي حسسني قد أيه أنا حبي في قلبه كبير_وفيت بوعدك.
-بصلي باستفهام فكملت_وفيت بوعدك ووقعتني فيك، جيه وقت تنفيذ الحكم.
-ضحك بعدم تصديق_مش بتهزري صح؟
-هقعد يوم كامل بعملك الأكل الي بتحبه وهتشيك كدا علشان أهزر معاك ياجبريل؟
-أتنهد بصوت وهو بصصلي_يعني خلاص أخيرََا؟
-فضلت بصالهُ بصمت وأنا شايفه فرحته مكنتش متخيله إن إظهاري لحبي هيفرق معاه أوي كدا.
-بصلي بحماس _طب أيه مش عايزه تقولي حاجه خالص خالص يعني؟
-ضحكت وروحت شديته من أيده وقعدته وقعدت قدامه_ هقول لما أسمع الأول منك _بصتله وبصيت للمكان حوالينا_أول مره قاعدنا هنا كانت الأدوار معكوسه وسعتها رفضت أسمعك دلوقتي أنا عايزه أسمعك ياجبريل.
-اخد نفس طويل وبعدين بصلي بهدوء وهو ضامم أيدي _أول مره شوفتك فيها كانت من سنه وصدفه، بس الغريب إني فضلت فاكرك مش فاهم ليه، لا وماكتفتش بكدا بقيت أعدي يوميََا من الشارع بتاع المكتبه الي أنتِ شغاله فيها علشان أشوفك، بعد كدا سألت وعرفت عنك حاجات كتيره والي وقع مني عرفتهُ من الأكونت بتاعك_بصلي بندم_كنت خاېف من فكره أن قلبي يحب أو يتعلق بحد شايف أن حياتي هي شغلي وأخويا بس،لكن أنتِ جيتي غيرتي كل دا وخلتيني أدفع تمن خۏفي دا كويس جدََا وأتعلم منه.
-أتكلمت بصوت مهزوز من أثر الدموع وكملت معاه الصوره الي كانت مش وضحالي_مراد شافني لما كان بيتفق مع عم عبده علي الشغل الي بينهم ولأنه متسرع فقال ليه لا وأتقدملي.
-ضغطت علي أيدي أكتر_سابقني،اليوم الي قرارت في إني لازم أوجهك بمشاعري وأتقدملك هو كان راجع بيقولي إنه طلب أيدك.
-ولما وافقت فكرت إني بحبه وقرارت تنسحب بهدوء وتسافر.
-فضل باصصلي شويه بتردد وبعد كدا شدني لحضنه بقوه_مكنتش هقدر أتحمل كل دا، عارف إن خۏفي غلط من الأول، بس ربنا أستجبلي دعائي ورضاني بيكي، مش مهم أي حاجه المهم إنك دلوقتي معايا.
-فضلت بعيط وبس محدش فينا كان يقصد يوجع التاني ترتيباتنا كانت هضيعنا كلنا لولا فضل ربنا علينا.
-بعدت عنه بشويش وأنا بمسح دموعي بكف أيدي_صالح أخوك ياجبريل وخلي يرجع، أنا مش عايزه أبقي سبب في بعدكم عن بعض.
-ضحك بحب وهو بيمسح دموعي_عمرك ما كنتِ ولاهتكوني،الحكايه لسه مخلصتش مراد كلمني تاني يوم جوازنا وعرفني إنه عرف بحبي ليكي من النوته الي كنت بتكتبلك فيها، بعد علشان عارف إنك مش حبا وعلشان أنا أخد الخطوه وعلشان هو مقدرش ينسيٰ فريده الي أتغيرت كتير علشانه وعلشان يتجوزوا.
-فضلت ساكته شويه بفكر في كل الي حصل
مراد تصرفه صح هو مچنون بس صح أداني مساحه إني أشوف الحب الجميل الي كان متشالي في قلب حد الخۏف كان مأيده مقدرتش اشوفها غير كدا لأنها طلعت نزلت علاقتي بمراد نهايتها كان هيبقي الفشل المحتوم بصتله بأمتنان_أشكرهولي.
-يعني أنتِ مش زعلانه منهُ أو مني أو شايفه إنه حطك قدام الأمر الواقع؟
-تؤ.
-موافقه تكملي حياتك معايا؟
-أبتسمت بحب_موافقه تبقالي الأمان والونس لحد ما ملامحي تكرمش وأكبر وياك.
-أنا تعبت أوي علشان الحظه دي.
-بحبك.
____________________
-يعني عايزين تفهموني أن لولا تلاعب القدر بينكم كان زمان ماما متجوزه عمي مراد وأنا مكنتش هعرف أتجوز حمزه _رفعت أيدها لسما _الف حمد وشكر ليك يارب.
-بصتلها بضيق مصطنع_واقعه واقعه يعني.
-بصتلي بخبث_ طب ما أنتِ ٢٠ سنه جواز وواقعه برضو ياماما.
-زعقت فيها بغرور وأنا بشاور علي جوزها_وانتِ هتجيبي حمزه بتاعك دا لجبريل حبيبي.
-بصتلنا بغيظ لما جبريل قام من مكانه وقعد رجل الكرسي بتاعي وباس راسي _ياعيون حبيبك أنتِ.
-قامت وقفت وهي بتحدف عيسي لحمزه_خود أبنك دا، شايف الرومانسيه مش زيك مطفحني الفرشات.
-بصلنا بحسره_عجبكم كدا؟ دي فيها نكد أسبوع بالمېت.
-زعقت من المطبخ _بتقول أيه ياحمزه؟
-بقولهم هسبلهم عيسي أسبوع علشان أعرف أدلعك ياقلب حمزه.
-مراد وفريده أدخلوا وهما بيضحكوا على شكله_مين دول يابابا أنا ومراتي مش فاضين.
-بصالنا بترجي _أنتوا حبايبي أصلََا.
-جبريل بصلهُ ببرود_شوف غيرها.
-ضحكت عليهم وأنا بشيل عيسي_دا حبيب عيون تيته دا أنا هاخدهُ.
-حمزه دخل لفريده وجبريل نزل لمستوايا وهمسلي_مين دا الي حبيب عيونك معلش؟
-ضحكتله بعيوني_هو في غيرك حبيب أيامي كلها.
________________
أين أنت وأين أنا منك
