سبت خطيبى
المحتويات
اسكريبتبقلمي إيمان شلبي
ممكن افهم انتي مش بتردي عليا ليه!
قالها ثائر خطيبي وهو پيصرخ في الفون بكل قوته لدرجه خوفتني وخلتني اتنفض من مكاني
ا انا
انتي ايه يا تمارا انا عملت ايه عشان تبعدي عني بالشكل ده لو زعلتك قوليلي وانا مستعد اصلح غلطي لو عملت اي حاجه مكنتش قاصدها عرفيني بس متسبنيش في الحيره ديه و....
ثائر انا مش عايزه اكمل
سكت لحظه
وكان استنتاجي لسكوته أنه في محاوله لفهم الجمله اللي قولتها بكل قسوه وبرود وكأني انسانه متبلده المشاعر !
ا انتي قولتي ايه
قولت مش عايزه اكمل يا ثائر
لو سمحت تعالي خد شبكتك وكل واحد يروح لحاله
ط طب ليه!
نبره صوته كانت مهزوزه ومكسوره وهو بيسألني ليه
اخدت نفس عميق وانا بحاول اكبت دموعي لكن للاسف مقدرتش وخرجت حروفي مبعثره ومش مفهومه
كده ايه هو ايه اللي كده ايه اللي صدر مني عشان تقرري تنهي كل حاجه كانت ما بينا في لمح البصر وكأنه مكانش موجود من الأساس !!!
بعدها اخدت نفس طويل وانا برد بثبات مزيف
احب احتفظ بأسبابي لنفسي ارجوك يا ثائر تعالي خد شبكتك من بابا وخلينا نخلص من الموضوع ده
نخلص!
ثائر انا عايزاك تسامحني و وتقدر أن كل واحد فينا بتحصله ظروف بتمنعه أنه يكمل مع شخص و....
قاطعني بسخريه
انتي مستوعبه انتي بتطلبي مني ايه ط طب وقلبي اللي بيحبك اعمل فيه ايه طب مشاعرنا وعودنا احلامنا اللي كنا بنرسمها سوا
كل ده اتبخر في لمح البصر
ازاى كل ده ينتهي كده من غير اي مقدمات
ازاي بعد ما اطير لسابع سما توقعيني علي جدور رقبتي
ا ازاي طلعتي بالقسۏه ديه يا تمارا
ازاي قلبك قدر يقسي علي قلبي اللي مقدملهوش غير حب وثقه
قفلت في وشه وانا في حاله اڼهيار
مكنتش قادره اسمع حرف زياده منه!
قراري اني ابعد عنه علي قد ما هو مؤذي لقلبي ونفسيتي إلا أني مكانش قدامي غيره
اول ما عرفت من الدكتور أني عندي کانسر وفي مرحله متأخره
الدنيا اسودت في وشي
مشيت من عنده وانا مش عارف اروح لمين اقوله
ماما وبابا ثائر اقرب حد ليا صاحبتي الانتيم !
عارفه ومتأكده أن اي حد منهم هينهار نفسيا وحياته هتقف
هفضل طول الوقت متحاوطه بنظرات خوف قلق وداع
قعدت علي كرسي الترام وانا براقب الشوارع ودموعي علي خدي
وكأني بملي عيني منها عشان أودعها وللأبد!
اكتر كلمه بكرهها
متابعة القراءة
