تفتكرى هيعجبه
المحتويات
_ تفتكري هيعجبه
يلاهوي .. هو انتي لابسه الخمار الفرنسي علشانه
_ اكيد لا طبعا بس هو من الاسباب .. مقولتليش برضو هيعجبه
يا غزل هيعجبه ازاي و هو مبيرفعش عينه فيكي اصلا
قولت باحباط
_ طيب اعمل ايه طيب
ادعي ربنا
_ انتي بتتريقي عليا
لا و الله .. اصل مفيش حل غير كده .. نوح متدين و بيغض بصره و عمره ما هيرفع عينه فيكي .. ف تعدي ربنا انه يتجوزك
اعمل ايه مش عارفه
_ مش انتي اخته
لا بقولك ايه
_ بقولك ايه انتي .. ما تحولي كده
احاول ايه نوح رافض اي حد يتكلم معاه في موضوع الجواز ده
_ طيب ما انا كده هعنس جنبه .. كل يوم برفض عرسان علي اتفهه الأسباب
لقيتها طبطبه علي كتفي و قالت
_ يا نهي ده انا كل شويه ادخل مكتبه من غير سبب .. شكلي بقي مفضوح وسط الشركه
يا مفضوحه
_ قومي يا بت يا روحي متجيش هنا تاني
انا كده كده كنت ماشيه
مشيت و سابتني قعدت افكر ازاي ألفت نظرهه ليا قومت صليت العشاء و ركعتين قيام ليل و دعيت ربنا يجعله من نصيبي
في ايه ايه اللمه دي
ف واحده رديت عليه
_ دي زميلتنا غزل لبست الخمار يا فندم ف كنا بنبركلها
لقيت برضو باصص في الارض و قال
مبروك يا آنسه .. ممكن بقي كل واحد يرجع لشغله
كله راح علي مكتبه و انا مشيت روحت مكتبي و انا متنرفزه مش دي برضو رده الفعل اللي انا عايزاها شويه لقيت السكرتير بتاعه بيكلمني و بيقول انه طالبني روحت و خبطت و دخلت اداني ورق و قالي و هو باصص في الورق اللي قدامه
يومين يا فندم بإذن الله
_ طيب لو تقدري في وقت اقل من كده يبقي يا ريت
حاضر يا فندم هحاول .. حضرتك محتاج حاجه تانيه
_ لا .. تقدري تتفضلي
جيت امشي لقيته بيقولي
_ آنسه غزل
نعم يا مستر نوح
_ ربنا يثبتك علي الخمار
امين .. شكرا لحضرتك
خرجت من عنده انا طايره .. ممكن تكون كلمه بسيطه بس بالنسبه ليا كبيره اوي اوي خلصت اليوم و روحت بسرعه علشان اكلم نهي احكلها لسه بفتح التلفون علشان اكلمها لقتها بتتصل
بنت حلال لسه حالا كنت هكلمك عايزه احكيلك اللي حصل النهارده
_ انا عايزه اقولك حاجه الاول
يا بنتي استني بس اقولك .. نوح قال...
_ غزل .. نوح هيخطب
نزل الكلام عليا كصاعقه
متابعة القراءة
