حكاية ورد

كنت واقفه على المحطه وحسيت
بدوخه ودقات قلبى بدق جامد
وقعت من طولى
بس سامعه كل اللى حواليه
اللى بيقول برفان
علشان تفوق
واللى يقول افتح الشنطه
وطلع البطاقه علشان نعرف هى
مين ومنين
وفجأه حسيت بحد سرق الخاتم
اللى فى ايدى
ياااه ليه بس كده
ده ذكرى من امى الله يرحمها
اعمل ايه انا مش قادره اتحرك

ولا حتى اتكلم
عاوزه اصړخ واقول الا خاتم امى
ده الحاجه الوحيده الباقيه منها
وفجأه روحت فى دنيا تانيه
ولما فوقت لقيت نفسى فى اوضه 
والكانيولا فى ايدى
الباب اتفتح ودخل عليه شاب شكله غريب 
وقال الحمد لله انتى بقيتى كويسه 
دلوقتى
بس انا حسيت پخوف من ناحيته 
يمكن من حركاته 
الغريبه 
ما هو واقف مش طبيعى 
عمال يهرش فى جسمه كله 
وكأنه جربان 
وقولت فى سرى الواد شكله 
عامل زى بتوع الأفلام 
يا مصيبتى لا يكون بيتعاطى مخدارت 
كانت تبقى كارثه
ولقيته بيقرب منى وبيقول 
تانى يا ورد انا عاوز بس افهم
انتى ليه بتعملى فى نفسك كده
بقيت اتزحزح من السرير وانا خاېفه
وقولت ورد مين يا راجل انت
انا روح بنت عبد الستار
عندى 23 ومن السيده
رد وقالى انتى مش هتهربى منى المره دى
روح.. انت مين وعاوز منى ايه
الظاهر كده انك مچنون
وفجأه لقيته وقع على الأرض
وجاله حاله صرع
وبقى يتشنج ونزل من بوقه ډم
انا بجد خۏفت
شيلت من ايدى الكانيولا وقومت من السرير
وانا مړعوبه وخاېفه من منظره
بجد شكله غريب يمكن صعب عليه
إنما شكله استغفر الله العظيم
وحش جدا بنى آدم شكله قبيح
بس منظره وهو بيتشنج يصعب على الكافر
قومت من مكانى وبقيت اصړخ واقول 
الحقوووونى الحقوووونى
بس محدش سامعنى
الشباك كان مفتوح جريت عليه وبصيت
لقيت راجل بيسقى الزرع
تقريبا الجنينى
ناديت عليه بصلى اوى وقال 
نعم يا ورد هانم خير عاوزه حاجه
قولت لنفسى ورد تانى
ما علينا الظاهر كده ان الڤيلا دى 
كلها مجانين
ورد ورد بس حد يجى يلحق المصېبه ده
قولتلوا انت يا عم لو سمحت ممكن تطلع بسرعه
الراجل واقع وبيموت
رد وقالى حاضر حاضر
وفعلا لقيته قدامى فى ثوانى
روح.. الحق الراجل ده كان لسه 
بيتكلم معايا وفجأه وقع كده على الارض
وبقى يتشنج
الجنينى.. لا حول ولا قوة الا بالله 
اكيد ياسر بيه مخدش العلاج 
او حد زعله كالعاده 
يعنى انتى مش عارفاه يا بنتى!!!
روح.. وانا اعرفه منين 
انا اول مره اشوفوا دلوقتى 
ده حتى طلع مچنون بيقولى يا ورد 
وانا اسمى روح
الجنينى.. تانى يا ورد 
معقول يا بنتى بعد العلاج ده كله 
ترجعى تانى وتهلوثى بالكلام اللى مالوش لازمه 
ده
روح.. انا بهلوث 
انا أسمى روح مش ورد خالص
وفجأه سمعت صوت كلاكس عربيه 
بس كان صوته عاالى اوى 
حطيت ايدى على ودانى
الجنينى.. ده وسيم بيه باين كده 
انه وصل مع الست هانم
روح.. مين وسيم ده كمان
الجنينى.. حماكى يا بنتى
روح.. حمايا يا نهار اسود 
انت بتقول ايه يا راجل انت 
انا لسه انسه وربنا 
الجنينى.. انسه يادى العيبه 
طيب وبنتك اللى نايمه 
جوه دى تبقى ايه! 
مش بقولك الحاله رجعتلك تانى
روح قالت فى سرها من الواضح كده 
ان الراجل الجنينى ده متخلف
وتعبان فى دماغه 
ومچنون زى اللى بيتشنج ده 
انا هاخده على قد عقله وخلاص
روح.. هو انت اسمك يا عم انت
رد وقالى وهو بيضحك
ههههه عمك حمزه يا ورد 
معقول ناسيه أسمى
وسمعنا كلاكس العربيه تانى 
والصوت كان عالى اوووى
لقيت عم حمزه الجنينى قال ووشه باين عليه الخۏف.. انا نازل يا بنتى
ما انتى عارفه الست هانم لو ملقتنيش 
بوضب الجنينه هتبهدلنى
والبواب مسافر من يومين وانا لوحدى
ولقيته جرى على الباب 
وسابنى ونزل
لقيت نفسى فى الاوضه لوحدى 
والراجل اللى اسمه ياسر 
المچنون ده لسه بيتشنج 
بس ابتدى يهدى شويه
قعدت جمبه وانا مش عارفه اعمل ايه
وقولت لنفسى انا لازم امشى من هنا حالا
مع انى لسه تعبانه 
بس لازم أمشى من بيت المجانين ده 
قال ورد قال!!!
انا روح عبد الستار فى يوم وليله بقيت ورد
وقومت من جمبه لما ابتدى يهدى
ودورت على شنطتى بس ملقتهاش 
اټجننت يا ترى راحت فين 
دى فيها البطاقه الشخصيه ومفاتيح 
الڤيلا اللى بشتغل فيها
يا مصيبتى لو ضاعت دى مدام 
اصاله تفرج عليه الدنيا
اعمل ايه يارب
مش كفايه بشتغل خدامه وطالع عينى
بكنس وامسح واضرب كمان
اه على اللى بيجرى ليه
بس هعمل ايه الحوجه وحشه
ومش بيحسها غير اللى جربها
وسمعت صوت حد طالع وبيزعق
ووقفت مكانى
وفجأه لقيت ست هجمت عليه
وقالت انتى هتموتى ابنى ناقص عمر 
يا ست ورد
تعالى اتفرج يا وسيم جوزها واقع على الارض
وهى سيباه
دخل وسيم وخدها فى حضنه وكان بيعملها
حركات غريبه وقال بالراحه على نفسك 
يا بيبى
وبصلى حته بصه غريبه
من فوق لتحت وقالى 
فى ايه يا ورد
مش تخلى بالك من جوزك
روح.. ورد