الحب الحلال
المحتويات
_ بجد ضحكتيني يا حياء بقا كل دة من صوته بس أومال بقا لو شوفتيه ولا قالك إزيك ولا أي حاجة كنت عملتي فينا إيه
على فكرة أنا غلطانة أصلا إني حكيتلك حاجة أما إنسانة سخيفة بصحيح
وسبتها ومشيت وأنا متعصبة
زينب بضحك طب خودي بس راحة فين والله بهزر معاك يبنتي ما دي مش طريقة بردو
هو أنا بقولك بحبه ! أنا مجرد بقولك مفتقداه
لاء
_ طب عارفة اسمه
لاء
_ طب عارفة هو منين
لاء بردو .. طب خودي بس راحة فين .. يا زينب يا زوز هقولك بس
أنا حياء ودي صحبتي وعشرة عمري زينب بحبها جدا بالرغم إنها علطول بتتعصب عليا هو أنا آه أشل أي حد بس بردو بردو
_ يا حياء يا حبيبتي دة مجرد واحد كان بيجي يصلي بالناس فترة وراح لحال سابيله شاغلة بالك بيه ليه وهو أصلا ميعرفش إنك على الكوكب
مش يمكن تعبان أو فيه حاجة يا زينب أنا قلقانة عليه أوي
_ لا متقلقيش ولا حاجة وأتمنى بجد تطلعي الموضوع من دماغك علشان أنت الي هتتعبي والله
قولت بقلة حيلة حاضر
روحت البيت وأنا فعلا بحاول أطلع الموضوع من دماغي علشان زي ما قالت زينب بظبط هو كدة كدة مش عارف إني عايشة أصلا ف هعيش نفسي في أوهام ليه !
_ يا سلام يا سلام على الأخبار الحلوة أخيرا يشيخة الواحد هيعمل حاجة تخرجه من مود الكئآبة دة
إبسطي يا ستي المعلمة وأخيرا هتعمل المحاضرة بكرة دة أنا على ڼار
_ وأنا كمان والله
طب يلا مش هتنامي ولا إيه
_ لاء عندي مذاكرة وهخلص كدة وهنام
وأنت بخير يا زوز .
خلصت مذاكرة لقيت قرءان الفجر شغال برا
_ يااه أنا مخدتش بالي بالوقت خالص
وتلقائيا فتحت البلكونة ووقفت فيها أدعي ودي عادتي من زمان بس لقيتني تلقائي بدعيله يارب يارب لو تعبان إشفيه يارب يارب لو في مصېبة هو واقع فيها خرجه منها على خير يارب
_قولت بضحك هو دة الي هتطلعيه من دماغك ومش هفكر فيه تاني وهو أصلا مش عارف إني على الكوكب وكل الكلام دة خلف أنت كداب يا خلف بعدها اتنهدت وقولت ياربي يا تطلعه من قلبي وعقلي يا تجعله من نصيبي يارب
إستنيت لحد ما الصلاة بدأت وكان عندي أمل كبير يكون هو الي هيصلي بالناس النهاردة بس خاب أملي للمرة التامنة وطلع عمي محمد الي بيصلي بيهم قفلت البلكونة بضيق ودخلت إتوضيت علشان أصلي وأنا كل ساجدة بدعي ربنا يطلعه من قلبي يا يجعله من نصيبي .
_ صباح الفل يا ست الكل
صباح الخير يا حبيبتي خير لبسة كدة من بدري راحة فين هو أنت عندك محاضرات النهاردة
_لاء بس المعلمة أم كلثوم عاملة لينا محاضرة النهاردة وضحكت وقولت أو يمكن إحنا الي ثبتناها وخليناها تعملنا
أمممم طب زينب هتكون معاك
_ آه أكيد
طب مش هتفطري الأول
_ لاء هناكل أنا والبنات لما المحاضرة تخلص ما حضرتك عارفة النظام
ماشي يا حبيبتي خلي بالك على نفسك وعلى زينب ومتتأخريش برا أنت عارفة إني بقلق عليك
بوست إيديها وحضنتها مټخافيش عليا يا ست الكل بنتك بمېت راجل
ماشي يا مېت راجل بس بردو
_ حاضر يا حبيبتي سلام
سلام يا قلب ماما
_ يا حياء أنت فين كل دة بقالي ساعة مستنياك
خلاص خلاص قربت عليك أهو أنت فين آه خلاص شوفتك
_ ياربي كل دة أومال لو مكنتش منبها عليك إمبارح
يا ستي نمت متأخر وراحت عليا نومة
_ طب يلا يلا ونشوف الموضوع دة بعد المحاضرة زمان المعلمة هتبدأ
دخلنا المسجد بسرعة علشان نلحق المحاضرة من أولها وبجد بحس براحة نفسية رهيبة وأنا قاعدة بين واحدة بتقرأ في المصحف وواحدة بتصلي وواحدة بتسبح والتانية تهلل وتقول أذكار و صوت صلاتها على النبي مسمعنا كلنا أحساس بالدنيا كلها والله بيئة إيمانية لازم تكون في حياتنا لازم نرقق قلوبنا بذكر الله ونحمي نفسنا من بشاعة العالم لازم نرجع والله يا جماعة .
يدوب قعدنا أنا وزينب ولقيت المعملة بتلقي علينا التحية
_ سلاما عليكم كيف الحال يا حفيدات عائشة
يااه قد إيه بحب سلاما عليكم ديالمعلمة ديما بتقولنا إن دة سلام الملائكة لأهل الجنةقد اي جميل وكمان اللقب دة بفرح أوي لما المعلمة تقولنا كدة
ردينا كلنا السلام وطمناها علينا
_ النهاردة هتكلم معاكم في موضوع مهم أوي يا بنات فتاة من فترة دخلت سألتني يا معلمتي هل الحب حرام أو متى يكون الحب حلال ومتى يكون حرام
أول ما المعلمة قالت كدة ركزت جدا وإنتبهت أكتر لعل يكون في محاضرة النهاردة رسالة من ربنا ليا !
_ بسم الله نبدأ متى يكون الحب حلال يا بنات طبعا معظمكم هيقول الحب الحلال هو الي بين أي إتنين عاقدين عقد قران أو متزوجين الحب الحلال هو الحب الذي لا نبوح به حتى يتم عقد القران
الحب الحلال الي عمرك ما تخافي من إن حد يعرفه الحب الحلال الي عمرك ما تخافي إنك تظهرية قدام أهلك ولا قدام حد الي تحسي بأمان معاه سند ك سند الرسول ﷺ للسيدة عائشة أوعي تعملي حاجة تخافي منها ولا تخافي حد يعرفها عفي قلبك من
الحړام لحد ما الحلال يجيلك لحد البيت أوعي ترخصي نفسك يا بنتيبلاش الحب بتاع التليفونات والشاتات ومكالمات نص الليل ووحشتيني وبحبك وأبعتي صورك وكل دة خافي على عرضكالبنت ما هي الي سمعة وعرض
متابعة القراءة
