ورد
دي الحقيقة أنا كنت رافض فكرة إني أتجوز من الأساس بس لما شوفتك ودخلت بيتك وفكرتي اتغيرت تماما عن الجواز وقررت اتنازل واتجوزك أنا ميهمنيش الولاد قد م تهميني مش عايز غيرك وبس.
أنا يبني شكرا على ثقتك الغالية.
ماشاء الله على ردودك المهم خلينا في موضوعنا انت صوتك حلو أوي في القرآن اللهم بارك.
مهو لو كنتي رفعتي عينك للبلكونة اللي فوق بلكونتكم كنتي هتلاقيني.
وه! ازاي مخدتش بالي م علينا تاني سؤال ازاي شوفتني وأنا مش شوفتك قبل كده
عادي بتحصل حضرتك كنت راجعة من كليتك وأنا كنت واقف في الشارع وشوفتك وانت داخلة البيت اللي بالصدفة طلع نفس البيت اللي والدي ساكن فيه ومن يومها وأنا قررت أعيش مع والدي من شهرين تقريبا وبراقبك في صمت لحد م اتشجعت وطلبت ايدك من والدتك واقترحت إني اعطي شمس أختك درس الأول بحكم إني مدرس لغة عربية علشان أعرفك أكتر وبسكده
كان عندي حق فعلا لما قولت لشمس متقعدش معاك كتير.
خالد!
قوليها تاني والنبي.
ممكن متتريقش عليا تاني علشان بعيط بسببك على طول.
يتقطع لساني قبل م ازعلك.
ايه في إيه مالك! م كنا كويسين.
المهم أنا قررت اننا نكتب الكتاب كمان يومين.
كتب كتاب مين
احنا.
مفيش الكلام ده أنا مش هتجوز إلا بعد م اخلص الكلية وبعدين مين قالك اني موافقة عليك أصلا
بارك الله لكما وبارك عليكما وجمع بينكما في خير
كنت عايز أقولك حاجة كده كنت مدكنها لبعد كتب الكتاب.
اتفضل قول علشان انا متضايقة من القرف اللي على وشي ده.
قرف! الله يسد نفسك يا بعيدة.
منك لله يا خالد طلقني.
طيب اصبري طيب شوية كده انتي لحقتي
طلقنااااااي يا عمو المأذون طلقني منه.
ممكن تهدي طيب.
انا بكرهك.
وأنا بحبك.
احلف.
وهو انتي مكنتيش واخدة بالك بعد كل اللي قولته
م انت اللي غبي.
أنا برضو اللي غبي!
آه علشان لو مكنتش غبي كنت عرفت إني حبيتك من أول م شوفتك يا غبي.
تبا لك.
ثكلتك أمك.
بعد ٣ سنين قررت أنا وخالد نتبنى طفل مع إنه كان رافض الموضوع بس وافق علشاني ختمنا القرآن سوا حوالي ٥ مرات بيعاملني كأني طفلة بالظبط بس عرفني معنى إني أحب نفسي واتقبل كل عيوبي بصيت لسيف ابني وابتسمت
أيوه يا ماما أسمعهالك
يلا سمع.
قل هو الله أحد الله الصمد لم يلد ولم يولد ولم يكن له كفوا أحد
صدق الله العظيم.
