ليتها تغفر بقلم سوليه نصار
المحتويات
لسه مكويتيش القميص الازرق ليه .
زعق فيا فقومت وانا تعبانة وقولت
حاضر يا مهدي فورا ...بس لاحظ اني لسه راجعة من جلسة الكيماوي وتعبانة .
اتوتر للحظة بس قال
تمام يالا اكوي القميص
كويتله القميص بسرعة واديتهلوله ...لبسه بسرعة وضبط نفسه ....مسكت ايده وقولت بحنان
القميص هياخد منك حتة يا مهدي طول عمرك حلو في اللون الازرق
شكرا يا خلود
يالا عشان متتاخرش علي صحابك انبسط النهاردة انت الايام اللي فاتت تعبت من كتر الروحة والجاية علي الدكاترة ...انا اسفة
مسك ايدي وباسها وقال
خلي بالك من نفسك انا احتمال ابات عند حسين
براحتك يا حبيبي
مشي وقعدت علي الانتريه وانا تعبانة ...حاسة عينيا زايغة....من شهرين تقريبا اكتشفت ان عندي Breast cancer ومن ساعتها حياتي اتقلبت مش حياتي وبس حياة مهدي جوزي ...كنا مخططين نخلف بس بسبب المړض ده صرفنا نظر بقينا نجري بين الدكاترة والمستشفيات...الدكتور حاول يقنعني اني اعمل عملية عشان يحد من انتشار المړض بس رفضت لو عملت عملية جسمي هيتغير ...انوثتي هتبقي ناقصة ...مش عايزة اظلم مهدي معايا هو ملوش ذنب ...حبيبي اتحملني كتير اووي
سندت راسي علي الانتريه غمضت عيني ولسه هروح في النوم تليفوني رن ...قمت ومسكته ولقيت رحاب صاحبتي مرات حسين ...
ازيك يا رورو اخبارك
فين مهدي يا خلود
بانت عليا الحيرة وقولت
انتي مش عارفة ولا ايه ...هو قال هيسهر مع حسين واحتمال يباتوا مع بعض ...عاملين زي قعدة شباب ...حسين مقالكيش
رحاب فيه ايه قلقتيني
سكت شوية وقولت پخوف
مهدي حصله حاجة !!!
زي الجن متقلقيش.
اومال فيه ايه انطقي خضتيني
انا ...
رحاب بجد انا تعبانة متتعبنيش اكتر وقولي فيه ايه !!
خلود جوزك مش مع حسين
قلبي دق پخوف وقولت
اومال هو مع مين ...انطقي
زعقت
رحاب حرام عليكي متقطعيش في الكلام قوليلي فين مهدي
انا عرفت من حسين ان النهاردة كتب كتابه علي بنت خالته !
حسيت ان الدنيا بتلف بيا ...ده اكيد هزار سخيف ...مهدي ميعملش كده ...لا يعمل ...ميعملش ليه ...انا بقيت بقايا انسانة كل حاجة جوايا اتحطمت...وهو ليه حق ...ليه حق يشوف واحدة غيري ...دموعي نزلت لوحدها
مسكت دموعي بسرعة وقولت
كتب الكتاب في بيت العيلة صح
انتي ناوية تروحي
لازم اباركله
خلود بلاش ...ميستاهلش هو ...
متشتمهوش يا رحاب حقه يتجوز....متقلقيش عليا انا متقبلة قدري كويس سلام .
.......
بعد ساعة ...
كنت واقفة قدام بيت العيلة ...كنت متزينة كويس دخلت وانا بترعش وبحاول اسيطر علي دموعي ...دخلت وسط الناس وكل اللي يشوفني ېتصدم لحد ما هو شافني...مقدرتش ساعتها امسك دموعي قربت منه وقولت
خلود !!
القميص هيأكل منك حتة ...طول عمره الازرق بيليق عليك .
بلع ريقه بتوتر وقال
اسمعيني
بصيت للي هيتجوزها وقولت
حتي عروستك حلوة وزي القمر .
بكيت وكملت
احلي مني .
عيونه دمعت ودموعه نزلت ...مسحت دموعه وقولت
متعيطش ومتزعلش ده حقك ...حقك تكون أسرة ...انا خلاص انتهيت ...بقيت مجرد چثة ...والبشر مبيعشوش مع چثث وعشان ارحمك انا بطلب ان المأذون اللي هيكتب كتابك يطلقنا!!
يتبع
سوليه نصار
2
انا اسف انا اسف
قالها وهو مڼهارمسك ايدي وكمل
مش هكمل ويالا نروح البيت وننسي كل حاجة
مهدي انت اټجننت
صړخت امه فيهبس مهتمش بيها عينيه كانت عليا انا ابتسمت بضعف وقلت
وتسيب عروستك يوم كتب كتابها دي مش من اخلاقك .ودي بنت خالتك برضه وانا مرضاش اكسر فرحة واحدة ..مقدرش
قربت صفية بنت خالته مني وزعقت
ولما انتي مش عايزة تكسري فرحتي ليه جيتي ولا حابة تعملي الشويتين بتوعك بجد مش قادرة اصدق انك حتي في اخر لحظات عمرك خبيثة ومكارةيا ستي صفي نيتك ده انتي كلها شهور وتقابلي وجه كريم
صفية
زعق مهدي
رجعت مصډومة وقلبي وجعنيصحيح انا راضية بقضاء ربنا بس كلامها عن مۏتي المؤكد خوفني وزلزل ارادتي وثقتي اني هخف .
بصيت لمهدي المتوتر قرب مني وقالي
اسف اسف .
انا
مسحت دموعي بسرعة وقولت
انا همشي دلوقتي انت اكتب الكتاب وابقي نأجل الطلاق
خلود
لا يا مهدي انت وعدت اوفي بوعدك اتجوزها وطلقني حتي لو متجوزتهاش برضه هتطلقني
اټصدم من كلامي .
مسك ايدي وقال
يالا هنطلع من هنا
مسكت امه
متابعة القراءة
