الحلقة 13/14 من كفر صقر
مبروك يا ست ثريا ده سى ياسين أكيد هيفرح جوى جوى .
تركته ثريا وصعدت حيث ياسين الذى حاول رسم ابتسامة على وجهه بصعوبة لرؤيتها ثم تكلم غاضبا بعتاب
ياسين........كنت فين يا ست هانم
وايه حكاية مشواريك اليومين دول مع صفية
إرتبكت ثريا للحظة ولكنها تماسكت وتحدثت بدلال واضعة يدها على بطنها .
وبصوت رخيم .......كنت بطمن على ولدى يا ابو ولدى.
هزت رأسها ثريا بفرح ثم صاحت ....ايوه يا حبة الجلب أنا حااااااااااااامل يا ياسين .
أخيرا هكوون أم وأنت أب
إيه رأيك فى المفأجاة الحلوة دى !
حدث نفسه ياسين قائلا .. ياه المفروض ده يكون أسعد أيام حياتى بس لو مكنش فيه مايسة بس إكده صعبت عليه الموضوع أكتر
ياسين محاولا إظهار الفرحة...... مبروك يا ثريا .
ماكنتش تتصور إنى كنت هتعذب جد إيه السنتين اللى فاتوا .
وكان نفسى أجبلك الولد اللى تفرح بيه ومايكنش ناجص سعادتنا حاچة واصل .
ثم تسائلت ..
فرحان يا ياسين زى ما أنا فرحانه جوى جوى جوى.
ياسين......... . اه طبعا ربنا يجومك بالسلامة .
ثم ابتعدت عنه برفق.
هتصل بأبوى وامى افرحهم بالخبر ده .
ثم اتصلت ثريا بوالدتها لتخبرها فأطلقت الأخيرة الزغاريد فرحا.
سکينة..........ألف مبروووك يا بتى _ أنا مش مصدجة . بجد والله !
يا فرحتى أخيرا يا بتى ربنا جبر بخاطرك .
أنا هچيلك دلوك أنا وأبوك نطمن عليك .
بس ريحى إكده وبطلى شغل العيال والتنطيط إهنه وإهنه .
ثريا........حاضر يمه _ ربنا يخليك .
ثم أغلقت الخط لترى ياسين استعد للخروج.
ثريا بتهكم ......أنت خارج دلوك معجول
ياسين.........اه ورايا شغل كتير .
ثريا بإستغراب ....... شغل ايه وأنا بجولك حامل وابوى وامى من فرحتهم چايين .
ياسين بعدم إكتراث ... ..والمطلوب منى إيه !
هجعد يعنى أسليك فى البيت لغاية ماتولدى
ولا لازم أجعد أنتظر أبوك وأمك لغاية مايچوا واعملهم تعظيم سلام إكده .
ثريا بصوت منبوح من البكاء ......لا يمكن ده يكون ياسين اللى حبيته أبدا
كفرصقربقلمى ام فاطمة
أما ياسين فتركها مغادرا ونزل على الدرج وتوجه للمطبخ .
فوجد صفية تسأل إسماعيل عن مايسة
صفية.........هى فين البت مايسة يا إسماعيل
ارتبك إسماعيل وشعر بغصة فى قلبه من مجرد ذكر اسمها .
صفية.....سى ياسين _ ألف بركة حمل ست ثريا .
ربنا يجومهالك بالسلامة وتفرح بيه وبعياله كومان .
ياسين .....تسلمى يا صفية .
ثم نظر إلى إسماعيل
ياسين ........أخرج أنت دلوك يا أسماعيل وسيبنى مع صفية عايزة أجولها كلمتين .
تعجبت صفية من كلمات ياسين ووضعت يدها على قلبها خوفا من أن يكون علم أى شىء .
عن موضوع خروجها هى وثريا إلى قنديل.
فنظرت له مترقبة قوله !
وطال للحظات الصمت بينهم _ حتى استجمع ياسين شجاعته قائلا .
يارب تكون عجبتكم حلقة النهاردة
متنسوووش لايك وكومنت تشجيعى عسل زيكم كالعادة وتوقعاتكم فى الأحداث القادمة .
نختم بدعاء جميل
اللهم يا مقلب القلوب ثبت قلبي على دينك
وخذ بيدى ولا تتركنى لنفسى لأهلك .
ام فاطمة
