يا آنسة

بيقول كلام ويقصد بيه حاجه تانيه انا اعرف عمر من فتره طويله بدات ب بوست على الفيس بوك ومن بعدها اي مشروع بعمله بيكون موجود معايا بنتقابل كتير جدا ان كان في الاكاديميه او بعيد عنها لما بيكون في حفله وانا مدعوها ليها بلاقيه واي مكان ممكن اكون موجوده فيها يبق هو كمان موجود ...
هنروح فين !
تحبي نروح فين !!
 عايزه اتمشى تعالي نتمشى على البحر !!
يا رحمة هو انت مبتتعبيش من المشي بجد انا عايزه افهمك مش بتحبي تعملي حاجه في اي خروجه غير المشي احنا ندخل نتغدا في المطعم دا ..
 انت مش لسه واكله ودخلنا محل عصير وشربتي كمان !!
لا دي تصبيره ...
والله انا اللي صبري نفذ معاكي !!
نشحنه تاني يا حب المهم احكيلي على عمر بتاعك !
بتاعي ..بتااااااعي هو انت شايفه انه قلم سبوره ولا علبه مكياج
يا ستي اسفين الباشا مهندس عمر عامل اي !
كويس !!
 وحياة امك ما تحكيلي يا بنتي حصل اي !
والله يا نور معرفش بس هو مادام موجود في المحاضره فانا بحس اني مش عارفه اشرح حاجه وبتلعثم في الكلام وببق عبيطه اوي !!
 لأ ما هو الطبيعي انك كدا ...
يا نور مبهزرش انا فعلا مبعرفش اكلم بحس ان عينه عليا بيراقب تحركاتي دائما بيبصلي
انا ببعد نظري عنه تماما لكن هو علطول عينه عليا 
يمكن بيتهيألك !!
 يمكن بس انا لي بتوتر وهو موجود !
 يمكن عشان الواد حلو شويه ..
انا اتعملت مع شباب قمرات كتير بس هو بصراحه شكله احله لالا يا ست استغفر الله 
 يا ولا والله شكلك وقعتي على عينك...
 بعد الشړ عليا من الوقوع يارب لا ونبي يارب مش عايزه احب حد يعني انا اتحب عادي لكن احب لا يارب ونبي 
والله انت مسخره
طلبت من نور صحبتي تحضر معايا المحاضره عشان تلاحظ تحركاته وهل فهلا انا من حقي ارتبك بوجوده ولا اي افضل حاجه ممكن اعملها عشان ابعد نظره عني
بدات اشرح انواع الخطوط وراجع الكورس من اوله عشان المحاضره الجايه امتحان على نهايه الكورس ...
نور كانت مركزه مع عمر ومعايا وبتشوفني بتعامل بوجوده ازاي وعنيها كلها بتضحك بحس بأنها فخوره بيا هي دائما بتقولي كدا دائما شايفه اني وصلت لنقطه كويسه في حياتي العمليه ودائما بتشجعني اكمل نور اعرفها من فتره طويله ويمكن هي اهم شخص في حياتي وهي اكتر واحده ساعدتني اوصل لكدا
بعد ما المحاضره خلصت ومعظم الموجودين مشيوا
انا زعلان جدا اني مش هشوفك تاني !
 اكيد هتشوفني يا حمزه وبعدين انا موجوده هنا دائما لو احتاجتني هتلاقيني ...
 انا عارفك من على اليوتيوب ومتابعك من زمان لكن على الطبيعيه واني اتعامل معاكي كدا خلاني اشوفك بمنظور تاني خالص 
يارب تكون نظرة كويسه !!
 يعني هو مين يعرف الفنانه ويشوفها من نظرة وحشه !
عمر قاطع كلامنا حسيته كان سامع كل كلمه اتقالت 
 طب مش المحاضره خلصت بتلطف لي يا خفيف !
 نعم !!
عمر في اي !
اتفضل اتوكل يلا !!
 في اي يا باشا مهندس انا بحترمك ...
 وانا بكلمك بكل ذوق اتفضل امشي 
عمر للحظه انت ازاي تكلمه كدا وبعدين انت مالك يمشي ولا يقعد وبعدين دا ..... 
 ينفع تسكتي شويه يلا اتفضل امشي المحاضره الجايه تيجي تمتحن وتمشي ولو شوفتك واقف تتكلم معاها تاني هنزعل مع بعض
معرفش ازاي حمزه خرج من غير ما يرد عليه لكن يمكن لما بيتعصب شكله پيخوف انا كنت بخاف منه وكنت بخاف اقوله انه خطه بشع مش بس وحش كنت بقعد اشرحله الحاجه تكتب ازاي اكتر من عشرين مره لكن بردو بيكتبها غلط اخد معايا نفس الكورس مرتين كان اول مره على اليوتيوب وكان بيكلمني كل يوم يقولي الجمله دي صح واقوله لأ حسن اكتر كان كل يوم جمله وبعدين عرف عنوان الاكاديميه وجه يتعلم مني على ارض الواقع ومن يومه وانا حاسه ان حياتي اتغيرت ....
انت ازاي تكلمه كدا وبعدين....
 اي اللون اللي انت