خطيب صاحبتى
- منه مين
_ لا شغل اللف و الدوران ده مش عليا .. انت جي و عارف اني صاحبة منه .. ليه بقي كل ده افهم
- انا مش فاهم انتي بتتكلمي عن ايه
_ لا و الله .. طيب افهمك انا علشان انت يا عبيط يا بتستعبط
- من غير غلط
_ انا جويريه صاحبة منه خطبتك السابقه اللي سبتها بعد ما خلتها تحبك و تتعلق بيك
_ انت بجح اوي بجد
- انا سكتلك مره في ايه .. ما تحترمي نفسك يا بت انتي
_ و نعمه الاخلاق يا استاذ هشام
- ايوه جي و عارف انك صاحبتها .. و عارف كمان انك مش هتعرفي ترفضيني و انه هيبقي امر واقع عليكي
_ ليه .. كل ده ليه ده انت حتي اللي سايبها
- مزاجي
_ مزاجك .. مزاجك تدمر حياه واحده من كل الجوانب بدون سبب .. ليه عملتلك ايه .. دي حتي حبيتك و اتعلقت بيك
_ يا ريت تعمل حاجه واحده عدله في حياتك و تبعد عني و عن صاحبتي .. و نصيحه مني .. روح اتعالج
روحت و اكتشفت انه كلم بابا و قاله انه مش عايز يكمل عدي اسبوعين و انا بحاول اوصل لمنه هي رافضه تقابلني في يوم كلمت مامتها و حكتلها اللي حصل و سألتها فين منه قالتلي انها في الكافيه بتاعنا
_ لو سمحتي انتي قاعده في المكان بتاعي
التفتت ليا قعدت قدمها و قولت و انا عيني مدمعه :
_ وحشتيني .. الايام من غيرك وحشه اوي
لقيتها بصالي و مش بترد
_ لسه زعلانه مني .. حقك
حكتلها كل اللي حصل
جيت امشي لقيتها بتقول و هي بټعيط :
- انتي هتسبيني و تمشي
_ ما انتي مش عايزاني
- و انتي من امتي حساسه اوي كده
ضحكت و قولت :
_ من اول ما عرفتك
لقيتها قامت وقفت قدامي و قالت :
حضتنها و عيطتنا احنا الاتنين
_ يخربيتك ده انتي عيوطه اوي .. اوعي كده المسكرا ساحت بسببك
- انتي اللي نكديه اعملك ايه
ضحكت و بصتلها و قولت:
_ كنتي فاكره اني اقدر اتخلي عنك
- لا .. و انا مهما عملت مقدرش اتخلي عنك
- يا كريم تعالي افتح .. هتلاقيها خالتك
_ جوري جت
_ اسمها خالتو يا قليل الادب
- كيمو يقول اللي هو عايزه
_ اهو دلعك فيه ده اللي مبوظه
- سيبك انتي قوليلي جوري الصغيره عامله ايه
_ مين قالك اني هسميها جويريه
- هتسميها ڠصب عنك
_ لا و الله
- اه و الله
ضحكنا سوي قعدنا نحكي علي ذكرتينا في المدرسه و الجامعه
- فاكره لما كنا هنخسر بعض علشان راجل
_ و نبي افتكري حاجه عدله .. شغلي اغنيه
- اشغلك اغنيتنا القدميه
_ اه يلا 🤎
" ده مفيش كلام يوصف حنانها .. واقفة دايما جنب مني شجعتني صدقتني .. سندتني موقعتش في يوم .. دي اللي جنبي من البداية .. خطوة خطوة كانت معايا .. دي في سمايا ولا النجوم ✨️🤎 "
" عمرو دياب " 🤎
بقلمي امينه رأفت 🤎
