خلاص بقا يا مريم
ايه هنا.
_هكون بعمل ايه يا أفنان جاي أباركلك ع النجاح طبعا.
_الله يبارك فيك يادكتور اصل حضرتك متعرفش أصل النهاردة ف عريس جاي يتقدملي وانا ھموت من التوتر خليك يا دكتور ماتمشيش ع الاقل تقعد معانا انا مش فاهمه ازاي بابا يسبني اقعد مع واحد معرفهوش!!!
ضحك جدا وانا استغربت وقال..
_بصي يا أفنان من غير توتر ولا كسوف العريس شخصيا قاعد قدامك والحمد لله انك تعرفيه علشان باباكي يسيبك لوحدك معاه.
_انت مش غبية يا أفنان انت برئية مش أكتر ....المهم هعرفك بنفسي أنا دكتور يزن وده انت عارفاه الباقي بقا إني عندي ٢٥ سنة واتعينت معيد ف الكلية عندك من حوالي سنتين والحمد لله مرتبي كويس واقدر أفتح بيه بيت وعندي شقة ف حلوان بتتشطب اما بالنسبة بقا علاقتي بربنا ف أنا ملتزم ف صلاتي ف المسجد الحمد لله وحافظ كتاب ربنا وأوقات فراغي بقرأ كتب ف الفقه والشريعة يعني تقدري تقولي عارف كويس عن دينا .. ف اي أسألة تاني.
_انت الحقيقة جاوبت ع كل الاسئلة اللي انا كنت هسألها بس ف سؤال تاني واللي انا قولتهولك ف الكلية وانت قولتلي اصبري.
_كنت عارف انك هتقولي كده بصي يا ستي أنا اول مره شوفتك فيها ف الترم الاول ومعرفش اي اللي حصلي بعدها استغربت نفسي جدا وفضلت استغفر وانت بردو مش بتروحي من تفكيري بعدها بفترة كنت قاعد مع دكتور عماد صاحبي وانت ډخلتي علشان تسأليه ع حاجه بعدها فضلت سرحان ولقيت الدكتور بيقولي مالك .. حكيتله وبعدين قالي ع اسمك وكده بس دي كل الحكاية.
_انت بتتكلم بجد!!
_طبعا بتكلم بجد و ف كلام كتير اوي عايز أقوله بس خليها بعد كتب الكتاب ف الحلال يعني متقلقيش هحوشلك ف الحصالة كتير .
طبعا اتكسفت ومردتش ...
وعدت الايام وقرأنا الفاتحة ولبسنا الدبل والنهاردة كتب الكتاب مش فاهمه يزن مستعجل ليه!!
_مبارك يا روح قلبي من جوه بجد مش لاقي كلام يوصف احساسي دلوقتي.
علشان انا مكسوووفة.
ونصيحة ي جماعة اوعو تتكلمو قدام ولادكم ف اي كلام يخص علاقته بشخص قدامهم سواء بالهزار او جد لانهم حتي لو مش فاهمين دلوقتي هيفهمو بعدين وممكن يقتنعو او يمشو ورا كلامكم و ف النهاية يطلع وهم ... وفي النهاية ربنا عوضني بالشخص اللي شبهي واللي بيفهمني ويطبطب ع قلبي .... ف الوقت ده كل اللي جه ف بالي الكلام ده...
حبيبة_محمد.
