نعمة وجودك
وبخاف علي قلبه يتجرح بكلمه لكن للاسف كل مره كنت بخاف علي مشاعر اللي حوليا وقلوبهم محدش كان بيتأذي غير قلبي!
عشان كده قررت افضل قافله علي قلبي ومحاوطاه لاني لو وقعت مش هقف مره تانيه علي رجلي
لحد ما ظهر ياسين
وقتها كسرت كل الابواب وسمحت لمشاعري تخرج
ليه هو بالذات
مكانش عندي اجابه
الاجابه بكل اختصار أنه الشخص الوحيد اللي لاقيه علي مقاس قلبي
تخيل حد بيحبك بيقدرك بيحترمك وبيحميك والاهم من كل ده احن عليك من نفسك
ياسين الشخص الوحيد اللي يستحق اني احبه عمري كله
فوقت من شرودي علي صوت الفون بتاعه وقتها بلعت ريقي بتوتر وبصيتله
اخد الفون ومسك ايدي وهو بيهزلي رأسه بيحاول يطمني
فضلت اراقب ملامح وشه اللي اتحولت لابتسامه عريضه وهو بيرد علي المحامي
طب تمام متشكر جدا جدا يا استاذ خالد
قفل معاه وبصلي كانت عيوني بتلمع بالدموع
قرب مني وضمني بهدوء وباس راسي
مبروك علي محمود وعمك الحكم المؤبد
مسكت في التيشيرت بتاعه واڼفجرت في العياط وانا بردد بفرحه
بصيت علي الصوره بتاعه ماما وبابا اللي في الصالون حسيت كأنهم بيضحكولي اني جبت حقهم
شكرا يا ياسين ربنا يخليك ليا يارب
مسح دموعي برقه ومسك ايدي الاتنين
ممكن كفايه عياط ونكد بقي ده ايه الحزن اللي احنا فيه دييييه
ضحكت وهو كمان ضحك بعدها سمعنا صوت الفون بتاعي
رديت بسرعه اول ما شوفت الرقم
ايوه حضرتك اتفضلي
نتائج التحليل ظهرت مبروك حضرتك حامل
اتنفضت من مكاني بسعاده
الله يبارك فيكي شكرا
قفلت معاها وبصيت لياسين اللي بصلي بتساؤل
انا حامل يا ياسين
وحياه ابوكي
رديت بفرحه
اه والله انا حامل
.. وهو بيتنهد وبيرفع رأسه للسقف
الحمد لله يارب الحمد لله
فاشكر ربنا اني لقيتك
واني ل حظي جنايني ورودك
وان النعمه اللي كتيره عليا وعلى قلبي
هي وجودك
تمت
اسكريبت بقلمي إيمان شلبي
