مقولتش ليه انك هتكرمى

فال يا شيخة.
رجعنا البيت ودخلت نيمت الولاد وبعدين دخلت المطبخ عملت كوباية لبن ليونس وروحت أوضتنا لقيت يونس واقف ومديني ضهره.
قربت منه وحطيت أيدي على كتفه
جعان أجبلك أكل قبل ما تنام ولا هتشرب اللبن بس
لف وابتسم 
لأ تسلميلي أنت تعبتي النهاردة تعالي علشان تنامي.
تعبك راحة وبعدين النهاردة أكتر يوم اتبسطت فيه.
والله يعني نكررها
بفرحة ممزوجة بالحماس ياريت.
أوعدك بده بس قبل أي حاجة لازم أديكي هديتك.
هديتي!
أيوة لفي واديني ضهرك.
بس ...
اسمعي الكلام من سكات.
ابتسمت ولفيت فعلا وكان وشي للمراية وهو واقف ورايا وبصيت لقيته بيلبسني سلسلة دهب.
ربنا ما يحرمني منك وتعيشي وتنجحي يا ست البنات وتعيشي وتربي ولادنا تربية أنا أفتخر بيها إن عندي زوجة زيك واخدة بالها منهم بجانب شغلها ومسئولياتها.
لمستها بفرحة ومقدرتش أمسك دموعي الله رقيقة أوي و... ومبهرة يا يونس.
ابتسم بجاذبيةمش أرق منك.
وتفوت الليالي والأيام والأمور بتتصلح بيني وبين يونس وبل أفضل ما يكون وقربنا من بعض أكتر بقينا نروح الشغل مع بعض الصبح وبركب معاه عربيته وبيرجع يروحني بعد ما أخلص محاضراتي في الجامعة ويتغدى معانا ويرجع يكمل شغله تاني.
يا نوور يلا اتأخرنا يا ست هانم على الفرح.
حاضر يا يونس بلبس الولاد أهو.
بنفاد صبر يوووه لما عارفة نفسك هتتأخري مجهزتيش من بدري ليه
بعصبية يونس أنت بتزعقلي ليه ما تهدى قولتلك بجهز الولاد وهنخلص ونمشي عايز تمشي امشي أنت لكن متزعقليش قدام الولاد وتخضهم.
لا والله بقى أنا بزعقلك! أومال حضرتك دلوقتي بتعملي أي وصوتك واصل للجيران
حاولت كتم غيظييونس امشي.
رفع حاجبه نعم!
في آخر محاولة مني لضبط أعصابي والولاد بيعيطوا وماسكين فيا
امشي يا يونس روح لأخوك وأنا هجيب ولادي وآخد تاكسي وأروح على القاعة.
وقف شوية ولما الجو كان مشحون والولاد مموتين نفسهم من العياط أخد مفاتيحه ونزل وأنا خدتهم في حضڼي وهديتهم وبعدين خلصنا لبس وعملتلهم ساندوتشات أكلوها ونزلنا.
تااكسي.
مش محتاجة تاكسي يلا أنا مستنيكم من بدري.
مكنش وقت يسمح للعند خصوصا أننا في الشارع ويكفي أنه استنى وممشيش حتى برغم أني اتعصبت عليه فركبت مع الولاد ورا وسيبت المكان جنبه فاضي فقعد ينفخ ويفش بعصبية ويبصلي في المراية وأنا متجاهلاه.
يلا يا ولاد عند جدتكم وروحوا سلموا عليها.
آدم وتقى جريوا على جدتهم سلموا عليها وهي أخدتهم بالحضن ويونس همسلي وهو بيكز على سنانه
لاوية بوزك ليه
خليك في حالك.
أخليني في حالي!
أها وزق عجلك يلا.
أزق عجلي!
أي رويتر هتفضل تكرر كلامي!
حسستيني متجوز توحة بتاع العجل.
أهيهيهيهيي بكام يا ضحك وأنا أشتريك!
كانت تريقة مني لكنه ضحك بأقوى ما عنده وخلاني ضحكت على ضحكه.
تعالي نسلم على آسر ومراته.
حاضر يلا بس ثواني نجيب الولاد يسلموا على عمهم.
أنا همسك تقى وأنت امسكي آدم.
تمام ماشي.
أخدنا الولاد وكل العيلة كانوا بيبصولنا بانبهار ويتوشوشوا منهم اللي مبسوط ومنهم اللي مستغرب ومنهم اللي حاقد وربك عالم بكل