عايز تجوز بنتك لواحد كبير
المحتويات
ضايقوها بكلمه !
نبره صوتي كانت كلها دموع وانا بكمل بهمس
عمري ما حسيت بالدفا ولا بالحنان في البيت ده
عمري ما جربت شعور الحب الأبوي معاك
عمرك ما خدتني في حضنك ولا عمرك كنت حنين عليا يا يابابا !
انا عايشه طول عمري يتيمه بالرغم من وجودك
محدش كان حنين عليا ولا حبني زي ماما
تعرف
انا بس دلوقتي بتمني لو كان ربنا مأخدش عمرها واخدك انت
بكرهك وعمري ما هسامحك أبدا علي اللي عملته فيا
عمري ما هسامحك علي احساسي باني يتيمه بالرغم من انك موجود
قرب منه يزن وهو بيضغط علي أيده اللي كانت ماسكه شعري جامد
سيب شعرها واياك ثم اياك ايدك القذره دي تتمد عليها تاني
قال جملته وهو بينفض ايده من علي شعري وبياخدني ورا ظهره
دلوقتي المأذون هيجي ويكتب الكتاب ودي اخر مره هتشوفها ولو بس فكرت مجرد تفكير تظهر تاني في حياتها صدقني ھدفنك مطرحك
هات المأذون يا وائل يابني
وبص لبابا من فوق لتحت بقرف
من اللحظه ديه همسه بقت واحده من العيله
لو فكرت تدور عليها أو تيجيلها علي سكه مش ابني اللي هيقفلك لوحده انا اللي هقف في وشك و ھفعصك بجزمتي
رفعت عيوني اللي كانت بتلمع بالدموع وانا ببصله بأمتنان وكل ذره في جسمي بتتنفض
مكنتش اتوقع أنه يتقبلني
مكنتش اتوقع ان قلبه طيب وجميل بالشكل ده
مكانش ده رد الفعل المتوقع منه علي الاطلاق!
ام يزن وهي بتقرب مني وبتاخدني في حضنها بحزن وشفقه
من النهارده احنا عيلتك اوعي اشوفك زعلانه أبدا
حسيت جسمي كله اتنفض
قلبي دقاته زادت
في حضنها حنان ودفئ غريب
حتي ريحتها فيها كتير من ماما
لوهله حسيتها ماما هي اللي خرجت من قپرها وجت تحضني وتطبطب علي قلبي
حاوطت وسطها وانا بسند راسي نحيه قلبها وبغمض عيوني براحه وامان
بارك الله لكما وبارك عليكما وجمع بينكما في خير وعلي خير
كانت الجمله المعتادة اللي بيقولها المأذون واللي بتعلن اتمام الجواز
هو معقوله انا اتجوزت
معقوله اليوم اللي اي بنت بتستناه مع حبيب عمرها جه
هو المفروض اكون فرحانه زي اي بنت لكن في حاله لو كان الجواز تم بشكل طبيعي جدا
اتفاق بين عيلتين
حب بين قلبين
فرحه ممزوجه بلهفه
انتظار فرحه اكبر في الطريق
فستان وطرحه ومعاهم بدله
لكن كل اللي بيحصل ده مختلف تماما عن اللي اتمنيته!
مبروك
قالها يزن بهمس جنب ودني وخرجني من شرودي ...
رفعت عيوني في عيونه وانا بهمس بتوتر
ا الله يبارك فيك يا يزن و وشكرا
علي ايه
انك أنقذتني
كان لسه هيرد بس سيف قرب مننا وهو بيزغرط زعروظه بشعه في الحقيقه !
لولولولولولي وافرحي ياعروسه
وائل وهو بيرقص بشكل عشوائي وبيكمل
انا العريس
ياعروسه ياعروسه
انا العريس
ضحكت بخفوت علي تصرفاتهم اللطيفه
يزن بمرح
اعرفك علي صحابي سيف سخسخه
وائل حركات
رديت بذهول واستغراب
سخسخه وحركات!!
سيف وهو بيعدل قميصه بغرور مصطنع
اصل محسوبك ....
منصور وهو بيقاطعه بغيظ
مش وقته يا استاذه دينا للتعارف الجاد خلينا نمشي يلا
سيف بهمس ليزن
ابوك ده فصيل ياجدع
رفع حاجبه بتحذير
استاذه دينا
ا احم فضايح بقي وكده
يااااااس
شكرا ياصاحبي أو ياللي كنت فاكرك صاحبي
منصور بجديه
يلا يا يزن انا وامك وصحابك هننزل وخليك انت مع مراتك عشان لو حابه تاخد حاجه من هنا وحصلنا
يزن باحترام
حاضر يابابا
كنت قاعده انا ويزن في كافيه علي البحر لوحدنا بعد ما اخدت كل حاجه تخصني في البيت وخرجت من غير ما ابص لبابا حتي!
اول ما خرجت اخدت نفس عميق كله راحه
وكأني
متابعة القراءة
