اسكريبت جديد
وقالي
ادي الموافقة للراجل يجي يقابلني ومتقلقيش علي الجهاز هساعد قد ما اقدر
هزيت راسي وقولت
لا يا خالي كفاية اللي انت فيه أنا ...
حط أيده علي كتفي وقال
بس يا عبيطة انتي بنتي والله لو معايا مكنتش خليتك تشتغلي ولا ...
يا خالي بتقول ايه ..كفاية مصاريف علاج مرات خالي ربنا يعينك يارب كفاية وقفتك معانا
ابتسم خالي وقال
يعني خلاص الراجل يجي ..
بصيت للأرض فضړبني علي كتفي وقال
خلاص يا ستي ردك وصل .
.....
بعد يومين ...
اتقدملي كريم ...
قعدت معاه وانا متوترة ...خالي وامي واخواتي قعدوا في الاوضة اللي قصادنا عشان نتكلم براحتنا ...
ابتسم كريم وقال
انا مبسوط انك قررتي تديني فرصة عشان اتقدملك ...أنا عملت حاجات كتير عشان اوصلك ...اسف اضطريت اخلي حد يدور ويجيب كل حاجة عنك لاني كنت ناوي اتقدم خلاص ...من وقت ما شوفتك بتتخانقي في القسم وانا اعجبت بيكي بس لما شوفت خاتم خطوبتك حسيت بزعل ولما شوفتك من قريب وانت مش لابسة دبلتك فرحت وحسيت بأمل كبير ...عشان كده دورت عنك عشان اتقدملك وتبقي مراتي ...
بس ده اسمه تجسس يا حضرة الضابط ...
بهت وقال
لا والله مش قصدي أنا ...
بس فجأة ضحكت عليه فضحك هو وقال
شكلي هتعڈب معاكي ...بس رغم كده انا هكون اسعد انسان في العالم لو قبلتي بيا
ابتسمت ليه وقلبي دق وانا بفكر أن الحياة مش صعبة دايما ...
..... .
بعد خمس سنين
يالا يا مليكة!!
بصيت برا الشاليه لقيت جوزي وبنتي الصغيرة اللي عندها تلات سنين في البحر ...
ضحكت وقفلت اللابتوب وبعدين خرجت ليها ...ابتسم كريم وطلع نورا من الميا وبعدين مسك أيدي وقال
يالا نتمشي شوية وبعدين نرجع للميا ...
مالك !
قالهالي بحيرة فتنهدت وقولت
انك تخلف بنت في المجتمع ده صعب ...أنا خاېفة علي نورا اووي ...أنا ...
أيدي وقاطعني وهو بيقول
بس أنا مش خاېف عليها للدرجادي يا مليكة عارفة ليه!
بصيت له بحيرة فقال
لانك امها وعارف انك هتطلعيها قوية زيك ...أنا واثق أن بنتي هتطلع شړسة زي امها وهنجيبها من الاقسام زيك ...ولو مش فاكرة أنا شوفتك وحبيتك فين ..
وتعيش قصة حب زينا يعني بين ضابط ومتهمة .
وتعيش قصة حب
قالها بحب ...
وبعدين كمل
بس مظنش حد هيحب حد زي ما انا بحبك
وانا بحبك انت ونورا الجزء الاجمل في حياتي
تمت
