اسكريبت رحيم للكاتبة ايمان شلبي
المحتويات
رحيم ارجوك قولي الحقيقه متعشمنيش وتفضل توهمني بمشاعر كذابه لاني مش حمل كده انا ا انا عمري ما حبيت يا رحيم ولا عمر حد قالي كلمه حلوه ولا حسسني اني بنت زي اي بنت بتحب وتتحب وتعيش حياه رومانسيه وقصه حب مع شخص بتحبه طبيعي اي كلمه منك هتأثر فيا
من فضلك يا رحيم متعشمنيش بحب مش حقيقي ..
قومت وقفت وسحبتها من ايديها لحضني وانا ببوس رأسها برقه
صدقيني يانور ياسمين مبقتش في بالي خلاص مقدرش افكر فى واحده متجوزه دلوقتي
رفعت راسها اللي مليانه دموع وهي بتسألني پصدمه
-اتجوزت!
-امبارح كان فرحها
-معقوله ازاي دي كانت بتحبك و....
قاطعتها وانا ببص قدامي پقهر
-قصدك كانت بتحب فلوسي واول ما جالها الاغني مني قررت تعمل عليا تمثيليه بايخه زيها عشان نسيب بعض
بعدت عنها وانا بلف ظهري وعيوني بتلمع بالدموع
-ياسمين دي أحقر بني ادمه انا شوفتها في حياتي
حطت ايديها علي كتفي وهي بتلفني عشان ابصلها
حطيت وشي في الأرض وانا بفرك ايدي بتوتر من غير ما انطق حرف
اتنهدت وهي بتهز رأسها بيأس
-مش هتقدر تهرب من قلبك يارحيم مفيش بني آدم معندوش مشاعر
-نور
-نعم
-انا محتاجلك ارجوكي متسبنيش
عيطت واترمت في حضڼي وهي بتقولي بهمس
-مش هسيبك لاني محتاجه وجودك اكتر مانت محتاجلي!
بعدتها عني وحاوطت وشها وانا بمسح دموعها برقه
سألت بهدوء
-وانت مش هتنام
ابتسمت بهدوء
-هنام مع مازن في أوضته
هزت راسها بابتسامه رقيقه
-تصبح علي خير
بوست ايديها برقه
-وانتي من أهل الخير ياقمري
آدي نوڤمبر
إحساس بالدفا بېعاشر أيامه الباردة
وعنيكي اللحن اللي بليغ حمدي خباه م الناس واداه ل وردة
صحيت تاني يوم الصبح علي صوت الهواء اللي بيخبط في الشباك بتاع اوضتي في ليله من ليالي الشتا البارده
-يااااه اول مره انام كل ده
قومت وخرجت من الأوضه لقيت مازن قاعد علي الكنبه بيتفرج علي كرتون بكل اندماج لدرجه انه مأخدش باله اني موجوده من الأساس
ابتسمت ابتسامه لطيفه وانا بقرب منه
-صباح الخير ياحبيبي
انتبه علي صوتي وفجأه لقيته بيجري نحيتي وبيحضني
شيلته وبوسته من خده بحب
-صاحي من بدري
-اه بس ماما قالتلي متعملش دوشه عشان بابا نايم
ابتسمت بهدوء وانا بسأله بهمس
-هي فين ماما
رد بهمس زي
-في المطبخ بتحضر الغداء
بوست خده وانا بقعده علي الكنبه
-طيب كمل فرجه علي الكرتون وانا راجعلك تاني
-حاضر يابابا
بوست أيده
-شاطر ياقلب بابا
اتسحبت بهدوء وروحت نحيه المطبخ لقيتها واقفه بظهرها بتحضر الأكل بكل خفه
-احم صباح الخير
اول ما سمعت صوتي لفت بتوتر
-ص صباح النور
ابتسمت بخفه
-مصحتنيش ليه
فركت ايديها بتوتر وهي بتحط وشها في الأرض
-ي يعني قولت اسيبك ترتاح ..احم احضرلك الفطار
-مش انتي بتعملي الغدا
-اه
-خلاص هستناكي
-طب تحب اعملك حاجه دافيه تشربها
-امممم ماشي اعمليلي قهوه
ردت بحزم
-قهوه علي الريق لا
رديت بابتسامه
-خلاص اعمليلي نسكافيه
ردت بتذمر
-نسكافيه علي الريق برضو لا
ضحكت علي رد فعلها وانا برفع اكتافي بحيره
-خلاص اعمليلي اي حاجه علي ذوقك
ابتسمت وردت بتلقائية
-خلاص هعملك ينسون
-ينسون!!!
-ايه مش بتحبه
-لا بس....
قاطعتني بضيق
-يبقي اعملك لمون سخن
حكيت راسي وانا ببصلها
-هو حد قالك اني عندي برد ولا ايه
بصتلي بقرف
-انت بتتريق عليا
-محصلش
ردت بضيق
-خلاص اطلع
قربت منها وانا يسألها بقلق
-انتي زعلتي ولا ايه انا بهزر و....
قاطعتني وهي بتحط الينسون علي البوتجاز
-لا انا بعملك ينسون عشان
متابعة القراءة
