انت مودينى فين يا احمد
- إنت موديني فين يا أحمد
= عاملك مفاجأة يا منى
- هتتجوّز عليا صح
= لا خالص
- هتطلقني صح وتجرجني في محكمة الأسرة وترفض تديني النجفة
= نجفة إيه؟ تقصدي النفقة
- أنا قلبي حاسس إنك ناوي ترميني في دار مسنين
= أرميكي في دار مسنين ليه هو إنتي خالتي
- يبقى هتجيب خالتك تعيش عندنا وتخليني أخدمها
= يا بنتي لا بردو
- يبقى هتخليها تطفّي السجاير في قفايا وتغطسني في مايه
= تغسطك في مايه هو إنتي نادية الجندي
- أومال هتعمل فيا إيه
= مش هعمل حاجة يا منى وبعدين خالتي الله يرحمها إنتي نفسك حضرتي العزا بتاعها
- يبقى هتبعتني أونسها في قپرها مش كدا .. أنا كنت عارفه
= بس بقاااا .. فوقي يا مچنونة يا بنت المچنونة
- معلش يا أحمد أنا بس أعصابي تعبانة شويّة
= ماشي يا منى حصل خير
- قولي بقى إنت جايبني هنا ليه؟
= أنا عارف يا منى إنك مريتي بفترة صعبة .. عشان كدا أنا قررت أريّحك
- طب أنا عايزة أمشي
= طب إيه نروح نخرج في مكان تاني لو مش عاجبك المكان
- لا هو المكان حلو بس أنا إللي مش مطمنة
= لا يا منى إطمني أنا جمبك .. معايا هتشوفي إللي عمرك ما شوفتيه
- إنت بتهددني ي أحمد
= أهددك إيه .. أنا قصدي هنخرج ونتفسّح يعني
- اه ماشي
= تحبي تروحي فين بقى .. إيه رأيك في الملاهي ونركب الصاروخ
- الملاهي عشان ترميني من فوق الصاروخ
= بلاش الصاروخ .. إيه رأيك نلعب شد الحبل
- عشان تخنقني بالحبل مش كدا
= إنسي الملاهي خالص .. تحبي نروح جنينة الحيوانات .. نتفرّج ع الزرافة
- نتفرّج ع الزرافة ولا ترميني للأسد عشان ياكلني
= نروح البرج حلو البرج
- وتقوم راميني من فوق مش كدا
= الهرم ولا مركب في النيل اختاري عشان أنا جيبت أخري
- والله
= في إيه؟
- بفكّر إزاي هتخلص مني
= وأخلص منك ليه يا منى
- كل الرجالة كدا .. كلكوا مصطفى أبو شجر
= إسمه مصطفى أبو حجر .. وبعدين هخلص منك إزاي بقى
= أدفنك جمب أبو الهول إيه بس
- وبالنسبة للنيل هترميني فيه
= ليه يا محور الكون .. فاكرة نفسك هاميس .. أنا كان مالي ومال الجوازة دي .. طب استهدي بالله يا منى
- روحني
= طب بعد الغدا طيب
- هو إنت كمان هتجيب غدا
= في إيه يا منى بلاش نطفح
