انت مودينى فين يا احمد
- مش يمكن حاططلي سم في الأكل .. أنا مش مطمنة خالص
= لا يا حبيبتي أطمني
- حبيبتي .. بتقولي يا حبيبتي
= هو أنا شتمتك بأمك يا منى مالك في إيه
- روحني يا أحمد
= طيب .. هناكل ونمشي على طول
- ماشي لما نشوف أخرتها
= متر لو سمحت
- هتعمل إيه؟
= هطلب المتر يا بنتي في إيه .. روشتيني
+ تحت أمرك يا أفندم تطلبوا إيه
= هاتلي أنا مكرونة وايت صوص وهات للمدام
الطبق إللي أنا قولتلك عليه
- أه .. أنا قلبي كان حاسس .. يبقى أكيد حاططلي سم في الأكل
= سم إيه يا منى
- معرفش بس أنا مش هاكل من الآكل ده
= هاتلها اكل غيره .. تحبي تاكلي إيه يا منى
- أحب أروح
= خلاص هطلبلك أنا على ذوقي .. هاتلها مكرونة نجريكسو
- هبلة أنا ما يمكن حاططلي فيه هو كمان سم
= متخلنيش أعلّي صوتي يا منى .. أتفضل كدا الأوردر تمام
+ حاجة تانيه يا أفندم طيب
= بعد الآكل بقى إبقى جهز الشَوك والسكاكين
- سكاكين ليه؟ عشان تقطّعني بيها بعد ما تدبحني صح
= يا منى بقى كفاية فضايح .. أتفضل إنت
- أحمد أنا مش مطمنة يا أحمد
= ليه بس
= خازوق إيه وفخ إيه
= لا يا حبيبتي مش قتّال قُټلة .. بطلي هَز في رجلك
- حاضر
= شيلي إيدك من قفاكي
- حاضر
= كفاية قرقَضّة في ضوافرك ډخلتي على اللحم
- روحنيييي يا أحمد
= هو أنا جايب بنت أختي يا منى
- لا بس روحني اعااااااا
= هنطفح اللقمة .. ونقوم نغور في داهية
- كمّل الجملة يا أحمد .. نقوم نغور في داهية تاخدك
= داهية تاخدني أنا يا ستي أرتحتي
- هتروح في داهية وتسيبني لوحدي
= يا رب صبرني
- على ما بلتني .. كمل الجملة
+ الأكل والمفاجاة جاهزين يا أفندم
- مفاجأة إيه .. إنت جايبلي حد ېقتلني ويدفني في المقطم
= يا بنتي بقى حرام عليكي مش كدا .. أحرقلها أم المفاجأة ياعم
+ كل سنة وإنتي طيبة يا مدام .. بمناسبة عيد ميلادك إنتي كدا بقى عندك ٣٢ سنة
- طلقني يا أحمد
= ليه تاني .. ده أنا عملت كل ده عشان أعملك مفاجأة في عيد ميلادك
- تقوم تقولهم سني ي أحمد .. صحيح الرجالة كلهم واحد .. اتفوووو .. أنا ماشية حصلني على البيت
= حاضر
+ تحب نلغي الأوردر يا أفندم
= إنت متجوّز
- آه
= طلقها وأنفد بجلدك .. ومنه لله إللي شار عليا بالجواز
