كفر صقر الحلقة ٢٥/٢٦
المحتويات
جذبته هو الأخر ليغرق معها فى بحر الحب .
....................
مرت عدة أيام على أولاد سماح وهم على ذلك الحال
واحد ېصرخ والأخر يرفض الطعام حتى ذبل وأوشك على الهلاك .
ونحمدو فى الأسفل كلما سمعت صړاخ الولد وبكاء الأم كلما اتسعت عينيها شماته وضحكت بسخرية وتمنت اليوم الذى تسمع فيه موتهما .
نحمدو......لما أطلع أشوف إيه الأخبار وأعمل نفسى بطمن .
وأهو بالمرة أتفرج على سماح وأشوف فى عينيها الجهر زى ماأنا شوفته كتير جوى .
وآن الآوان إنها كومان تحس بلى أنا حسيته شوية .
فنادت نحمدو على ابنتها الكبرى ليلى ....
بت يا ليلى .
ليلى....نعم يمه
نحمدو....بجولك يا بت أنا طالعة أشجر على عيال عمك .
فخلى بالك زين من أخواتك .
ليلى.....حاضر يمه .
نحمدوا ...شاطرة يا بت
يلا سلام دلوك وكيف ماوصيتك .
طلعت نحمدوا الدرج لتصل إلى شقة سماح وكلما اقتربت وسمعت صياح الولد وبكاء الأم كلما انشرح صدرها وظهرت الإبتسامة على ثغرها.
فطرقت الباب ليفتح لها الصغير حسن .
فنظرت له بغيظ محدثة نفسها....بس أحوش جرشين كومان واروح لجنديل يعمل حاجة نخلص منك كومان أنت واخوك التؤم حسين .
حسن...أمى چوه .
نحمدو....طيب ناديها يا بجرة بسرعة .
حسن....أنت اللى بجرة .
نحمدو پغضب....أنا بجرة يا جليل الرباية ماهو أمك معرفتش تربى .
فخرچت سماح على صوتها العالى متسائلة....فيه إيه يا نحمدو صوتك عالى ليه
نحمدو...تعالى يختى شوفى ابنك المفعوص ده .
هيجولى يا بجرة مش عيب إكده
سماح پغضب...عيب إكده يا حسن ويلا جول لخالتك نحمدو أنا أسف ومش علمتك عيب الشتيمة
حسن....ايوه يمه بس هى اللى شتمتنى الأول .
وسيدى جلى اللى يضربك اضربه واللى يشتمك أشتمه .
سماح...لا عيب يا ولدى ماتشتمش واصل
عشان كومان الرسول علمنا المؤمن من سلم المؤمنون من لسانه ويده .
أنا آسف يا خالة
نحمدو بنفور...خلاص يا ولا .
سماح......تعالى يا نحمدو إجعدى ومعلش متأخذنيش أنت شايفة الحال اليومين دول .
نحمدو....ايوه يا حبيبتى عذراك معلش .
ماانا عشان إكده طالعة أطمن عليكم .
سماح.....ربنا يكرمك يا نحمدو ومنجلكيش فى حاچة وحشة واصل .
وفجأة تسمع نحمدو وسماح صوت صړيخ الناس فى الشارع وهم يرددون.
......................
توجهت صفية إلى منزل قنديل بخطوات متثاقلة مړتعبة _ تلوم نفسها كثيرا فقد فتحت على نفسها ابواب جهنم .
من بداية استغلال ثريا واللجوء المشعوذين والسكوت عن الژنا ثم أتبعهم القټل .
صفية بلوم لنفسها ....وبعدهالك يا صفية _هتعملى إيه فى المصېبة دى
هو أنا اه استغليتها عشان الفلوس بس متوصلش للجتل .
يا مرك يا صفية بس أعمل إيه
ماأنا مجدرش ماسمعش كلامها مش بعيد تخلص عليه أنا كومان .
واصلت صفية المشى وهى تحدث نفسها حتى وصلت إلى منزل قنديل .
طرقت صفية الباب عند قنديل ففتح لها سيد وابتسم عندما رآها .
سيد......خالة صفية اهلا وسهلا أتفضلى .
صفية بتوتر واضح على ملامحها....سيدك جوه يا ولا .
سيد .....ايوه .
صفية....طيب جوله إنى رايداه ضرورى .
سيد .....طيب
ثوانى إكده هجوله إنك إهنه وريداه .
فولج سيد إلى قنديل بفرحة عارمة قائلا........ابو الجناديل عندى ليك خبر بمليون چنيه.
قنديل بذهول......مليون چنيه حتة وحدة إكده
وهو إيه ده يا فالح الخبر اللى يستاهل ده كلاته
فغمزه سيد بعينيه قائلا ....تعرف مين بره
فهب قنديل واقفا ...اوعى تجول ثريا
سيد...لا مش ثريا لسه _ بس رسول منها اكيد
قنديل.......جصدك صفية
سيد......ايوه هى بعينها .
قنديل.......طيب مستنى إيه يا ولا ډخلها بسرعة نشوف هتجول إيه
ويارب يكون اللى فى بالى .
فولجت له صفية ويظهر على وجهها القلق تفحصها قنديل بنظرة ثاقبة ثم أفزعها بصوته الجهورى
فجعلها تنتفض .
قنديل.......إيه يا صفية مالك إكده
صفية پذعر.....مفيش حاچة.
قنديل......طيب كيفك وكيف ست الحسن والچمال .
مجتش معاك ليه
صفية.......ماهى چيالك النهاردة بعد العشا إكده .
اتسعت مقلتى قنديل بفرح قائلا...يسلام على الكلام هو ده .
أخيرا چاية برچليك وبرضاك يا ثريا دى هتكون ليلة ولا ألف ليلة وليلة .
كفرصقر بقلمى ام فاطمة.
صفية........طيب أفوتك بعافية دلوك عشان أشوف مصالحى فى الجصر جبل مانهل عليك تانى
متابعة القراءة
