اسكريبت مش كان زمانى

بفوق على صوت بابا بصيت حواليا فلقيت نفسي في البيت وبمجرد ما حاولت أتكلم لقيت بابا شدني لحضنه جامد وأنا مقدرتش أسيطر على نفسي وبدأت أعيط 
فيه حاجة بټوجعك
مكنتش عارفة أحدد مكان الۏجع بالظبط بس كنت موجوعة بعدني عنه وهو بيحاول يهديني بس عياطي زاد لما سمعت صوت خلود برا كتير عليا كدا بجد أنا معتش قادرة 
ألف سلامة عليكي يا هدى يدوب عرفنا الخبر من يونس وجينا نتطمن عليكي 
مكنتش قادرة أتكلم ۏجع غريب بيضرب جسمي كله مخليني مش طايقة حتى أشوف حد قدامي ومع ۏجع رجلي اللي زاد عشان مفعول المسكن اللي كنت واخداه راح خالص حسيت إني مش قادرة حتى أسيطر على بكايا اللي بيزيد 
إيه اللي بيوجعك يا هدى
جسمي كله بيوجعني يا بابا مش قادرة 
ضمني ليه بحذر وهو بيطبطب عليا ومعدتش دقايق ولقيت بابا بيبعدني وهو بياخد من يونس شريط برشام وكوباية ماية ويونس بيقوله بسرعة
المسكن اللي الدكتورة كتبتهولها يا عمي 
طلعلي منه واحدة وعطهالي وناولني كوباية الماية وأنا خدتهم بتعب وأنا بحاول أهدي نفسي 
الموضوع بسيط إن شاء الله دا كسر يعني متبقيش عيوطة كدا 
حد يمشيها من هنا بجد حد يمشيها وإلا والله أقوم أكسرها هي التانية 
محدش رد ولا علق على جملتها رغم إنها كانت بتحاول تهزر وتلطف الجو وبابا رجعني لحضنه تاني وهو بيطبطب عليا بلين من وقت للتاني ويونس بعد ما هديت شوية استأذن ومشى وفضلت عيني متعلقة بالباب من بعده 
بابا 
عيون بابا 
بابا أنا تعبانة 
طبطب عليا ومردش وأنا بعد دقايق نمت من غير ما أحس 
حاسة إني هبان مچنونة بس الحقيقة إني بحس إن الطبطبة بتسكن الۏجع وبالذات لما تكون من بابا أو ماما لما يطبطبوا على چروح أنا عارفة إنهم عارفينها رغم إنهم مبيقولوش لما بيداووا جوايا حاجات أنا حتى ملمحتلهمش إنها موجوعة لما بحس من ناحيتهم بالحب ولما بحس دايما إني مهما ميلت عليهم وقولتلهم إني تعبانة هلاقيهم شايليني بابتسامة وإيد بتطبطب 
بقى تتكسري ومتقوليليش يا هدى بقى أنا أعرف بالصدفة ولولا حسيت إنك تعبانة وضغطت عليكي مكنتيش هتقوليلي
يا بنتي محبيتش أقلقك والله 
طيب يا ست هدى ماشي مقبولة منك المعاملة دي بس خليكي فاكراها 
اتنهدت بتعب وأنا بشدها لما وقفت
سهيلة بالله عليكي تقعدي سهيلة أنا تعبانة بجد ومش قادرة 
قعدت مكانها بغيظ وبضيق دغزتني وهي بتقول
على فكرة هسكت المرادي بس عشان تعبانة بس لما تخفي مش هرحمك 
ابتسمت بإرهاق ومردتش وهي بعد لحظات اتعدلت في قعدتها وبصتلي جامد 
أنا حاسة إن فيه حاجة مش مظبوطة هتقولي إيه هي ولا أقوم أنادي طنط فاتن حبيبتي الحلوة تقولي
خدت نفس عميق وأنا بحاول أسيطر على دموعي اللي ملت عنيا بمجرد ما اتكلمت وبعد لحظات رديت بتعب مسيطر على كل جزء فيا
تعبانة يا سهيلة تعبانة ومعتش فيا حيل بقالي حوالي ييجي تلات أسابيع في الجبس أهو مبتحركش ولا بعمل حاجة رغم إني حاسة إني اتحسنت شوية بس مفياش حيل ولا طاقة لحاجة مش قادرة أعمل حاجة حتى الحلقات الأونلاين اللي كنت بديها وقفتها والكورسات اللي كنت فيها سيبتها تعبانة أوي ومش عارفة أسترد طاقتي بجد مش قادرة 
ليه كل دا يا هدى
دموعي نزلت 
مش عارفة يا سهيلة معتش عارفة حاجة أصلا قبل اليوم اللي وقعت فيه دا كانت العيلة متجمعة عندنا هنا وخلود كعادتها قفلتني من الدنيا كلها بكلامها ومع إني رديت