اسكريبت مش كان زمانى
زي دا الراجل متقدم بجد وعايز يتجوزك فكري بالراحة بقى زي ما قولتلك ومتعمليش اعتبار لأي حاجة غير لرغبتك انتي واللي انتي عايزاه ماشي! ولو عايزة تطلعي تاني عشان الرؤية الشرعية وعشان تتكلمي معاه أو حتى لو عايزاه يبقى ييجي في ميعاد تاني قوليلي وأنا هبلغه
هزيت راسي بماشي بحرج وأنا حاسة أني مش قادرة أستوعب اللي بيحصل وهو بعد لحظات كمل
ولا تهمني أصلا
شهقت لما لقيتني رديت عليه من غير تفكير وهو معلقش واكتفى بإنه يطبطب على دماغي ويبوسها من تاني قبل ما يسيبني ويطلع بعد ما وصاني للمرة التالتة أفكر كويس وأستخير وأنا بمجرد ما طلع وقفل الباب رميت نفسي على السرير يا ربي بجد!! الحمد لله الحمد لله
كشړ وهو بيقرب مني
مالك بس وإيه اللي حصل
نفخت وأنا ببص بعيد وبحاول أمسك دموعي
لو سمحت اطلع اقعد معاهم لحد ما يمشوا عشان فعلا تعبت
فضل باصصلي شوية وبعد دقايق لقيته قرب مني وباس راسي وبعدين طلعلهم فعلا وأنا بعدها رميت نفسي على السرير بتعب
مشوا يا هدهود
هزيت راسي بماشي وأنا بشد الغطا عليا وبغمض عيني وفجأة لقيته بيشده وبيشدني أنا كمان لحضنه
مالك يا حبيبي بس
صوتي اتخنق بالدموع لكني رديت
مليش عايزة أنام بس
على يونس برضو
ولحظة والتانية ودموعي نزلت وبجد كدا كتير عليا والله
بعدت عنه وأنا ببص في عنيه
يونس انت بجد رافض مبدأ إن مراتك تشتغل
كشړ جامد وهو بيبعد عشان يشوفني كويس
مين قالك كدا هو مش أنا وافقت على إنك تبدئي مشروعك يا هدى
بعدت عيني وأنا برد بخنقة
عمتو فتحت السيرة فجأة ولقيت خلود بتقولي إنك أصلا رافض المبدأ دا وإن الموضوع دا ياما حصلت بسببه مشاكل بينك وبين مراتك الأولى الله يرحمها
قولتيلي بقى إن فيها مراتي الأولى حبيبي غيران
كشرت وأنا بدغزه في كتفه بضيق
متتريقش يا يونس
ضحك جامد وهو بيشدني لحضنه وبيهز راسه بيأس
والله إنك عبيطة يا قلب يونس ونن عيونه غيرانة من واحدة ماټت يا هدى
نفخت وأنا برد
ما براحتي وبعدين مش غيرانة منها هي
يخربيت لساني اللي هيوديني في داهية
ولحظة والتانية ولقيته شهق بفهم
خلود!! انتي بتهزري
هزيت راسي بعصبية
وبهزر ليه هي إيش عرفها بشيء زي دا أصلا وحتى لو حد حكالها أو عرفت بالصدفة هي مالها
انتي يعني جديدة عليكي خلود وحركاتها المهم إن فيه دلوقتي حاجة أهم
كشرت وأنا بهز راسي بعصبية
إيه هي
ابتسم
رديتي عليها
اتوترت للحظة بس قولت باندفاع
أومال هسكتلها يعني آه رديت يا يونس وكسفتها وخليتها مش عارفة ترد عليا من الإحراج كمان إيه متضايق
ضحك جامد وهو بيخبط راسي براسه بهزار وبيرد
وأنا هتضايق ليه
هزيت كتفي بمش عارفة وهو بابتسامة ضمني
مع إني حاسس إني وقعت في حتة طفلة بس عارفة أكتر حاجة خطفتني ناحيتك إنك مبتسكتيش على حقك يا هدهود
عشان مبسكتش بس يعني
ضحك وهو بيبوس خدي
لا طبعا مش كدا بس انتي حبيبتي يا هدهود مدللة العيلة زي ما بيقولوا وأول واحدة جت على بالي يوم ما قررت أفكر أتجوز تاني ومع إني سبق ورفضت الفكرة لما بابا وأعمامي عرضوها عليا زمان بسبب فرق السن بينا بس يوم العزومة اللي رديتي فيها على خلود لفتتني وجهة نظرك أوي وجذب انتباهي تفكيرك حسيت ساعتها بحاجة حصلت جوايا وبعد الحاډثة الشعور دا اتكرر وحسيت إنك خدتي جزء كبير أوي من تفكيري وساعتها قررت فجأة أجرب أتقدملك مكنتش ضامن إنك هتوافقي أصلا بس حسيت إني محتاج آخد خطوة جدية عشان بعدها يا أبطل تفكير فيكي يا أسمح لنفسي يحفظوا تفاصيل عيونك زي ما هو حالي دلوقتي
وأن لحظة واحدة أنا لسة متضايقة على فكرة
ضحك وهو بيشدني وبيبوس راسي
قلبك أبيض بقى
بصيت بعيد فباس راسي تاني وهو بيقول بمحايلة
خلاص بقى وهجيبلك جاتوه بالشوكولاتة
وبالفراولة
وبالڤانيليا كمان يا ستي هي جت عليها يعني
ابتسمت جامد وأنا بقرب منه عشان أضمه
خلاص سماح المرادي
ابتسم
ينقطع لسان أي حد يزعل هدهود أو يضايقها
غمضت عيني للحظة وأنا بسند راسي على كتفه وبعدين فتحتهم وأنا بهمسله
يونس
قلب يونس
ابتسمت جامد عديت لتلاتة في سري وبعدين همستله
أنا حامل
بين يديك
أحلق بعيدا
إلى حيث ينأى بي قلبك عن الدنيا بما فيها
ليبقيني سجينة عينيك
تم
