اسكريبت مش كان زمانى
المحتويات
كل الكلام دا أنا فكرت فيه بس زي ما الواحد بيكون محتاج يفضفض بس في ساعات واللي قدامه يسمعه من غير ما يتكلم ساعات برضو الواحد بيكون محتاج الكلام دا يتقاله من حد تاني غير نفسه عشان يستوعبه انتي فاهماني
ابتسمت وهي بتضمني
فاهماكي يا حبيبي فاهماكي
ويا ترى أنا هعوز إيه من الدنيا أكتر من كونك فهماني
وفي عز الأزمات وفقدان الأمل تيجي سهيلة تداوي الباقي تديني القلمين التمام وبعدها تضمني وهي بتعتذر من غير ما تنطق عن كونها قاسېة في الكلام رغم إنها مش كدا بس حتى لو كانت كدا كدا كدا حبيبة قلبي وبراحتها
بصيت لماما اللي كانت بتقلب في دولابي وبتشوفلي حاجة ألبسها وهي بتتكلم ومع حركتها فهمت إنها مش هتقبل غير بإني أطلع أشوفه فعلا
ينفع مطلعش عشان تعبانة يا ماما
حلو الفستان دا يا هدى بحبه عليكي يلا قومي هساعدك
يلا أهو يكفيني شرف المحاولة وخلاص
لبست بسرعة بمساعدتها وفي خلال دقايق مستوعبتش فيهم اللي حصل كنت قاعدة قصاده في الصالون وماما بتجهزله الشاي بتاعه وبابا واخد جنب عننا شوية لحظة هو من إمتى وبابا بياخد جنب لما يونس بييجي يزورنا ومن إمتى وأمي بتخليني أطلع اكلمه ومن إمتى ويونس بيطلب يقعد معايا!!
لا هي وانتي الصادقة ريحة جوازة مش غدر
أنا كنت حاس إيه انت قولت إيه
ابتسم
تتجوزيني يا هدى
هدى راحت والله يا اسمك إيه
انت بتهزر
حد يهزر في الحاجات دي برضو
هزيت دماغي جامد
ليه
هز راسه بتلقائية
حبيت دماغك
وهو دا كفاية
ابتسم وهو بيقول
أنا حابب نكتب كتاب على طول يا هدى أنا مش عايز فترة خطوبة
مش لما أوافق عليك الأول يا جدع انت هي هيصة وخلاص
بتقولي حاجة يا هدى
اتحمحمت وكنت هرد بس لحقتني ماما وهي بترد مكان
بتقول هي كانت عايزة كدا هي كمان
ماما
اشرب يا يونس الشاي بتاعك وسيبك من البت دي هي تقدر ترفضك أصلا!
رديت بغيظ
على فكرة أقدر وهرفضه لو مرتحتش هه
ردت بتريقة
بكرة نشوف
كشرت وأنا ببص ناحية بابا اللي لما لاحظ إن ماما قعدت معانا قرب هو كمان وقبل ما يقعد قولتله بغيظ
بابا لو سمحت ممكن تسندني أدخل جوا عشان أرتاح شوية
هو انتي هتشيلي الجبس إمتى! انتي داخلة على شهرين ونص متجبسة أهو
مردتش عليه وأنا بسند على بابا بحذر وماما ردا مكانش بحزن حسيته في صوتها
صوتها راح لما دخلت الأوضة وبمجرد ما قعدت على السرير وقلعت الخمار اللي كنت لابساه لقيت بابا قعد جنبي قرب مني وباس راسي وأول ما بعد عني اتنهد
يونس صحيح إحنا عارفينه وانتي عارفاه كويس يا هدى بس لو استخرتي وحسيتي إنك مش مرتاحة قوليلي وأنا هرفضه حبيبتي الجواز دا آخر حاجة ممكن نجبرك فيها على حاجة فعايزك تفكري كويس ومتحسبيهاش من ناحية إننا قرايب أو غيره لإننا بنتكلم في جواز مش في حاجة هينفع نجامل فيها ولا نيجي على نفسنا فيها لمجرد إننا قرايب والكلام دا فاهماني
بابا هو بجد عايز يتجوزني أنا حاسة إني مش مصدقة أصلا ومستنية حد فيكم يقولي إن دا هزار أو مقلب
ابتيم
وهو إحنا عبط زيك هنعمل فيكي مقلب
متابعة القراءة
