لفى بينا يا دنيا

ما وصل وبيحاول يفوق لولو .. مفيش .. طيب عنوانها ما يعرفش .. طلع تليفونه لقاااه فاصل شحن ..وكلم نفسه تانى 
باسل دا وقتك ها اتصل ازاى انا على المستشفى عشان أعرف عنوان البلوه دى ازاى .. خدها وروح بيته .. رن الجرس وبينهج ولولو على كتفه . واول ما أمه فتحت دخل على طول 
أمه شهقت وضړبت على صدرها مين دى يا باسل وازاى تجيبها هناااا 
باسل رامها على الكنبه پعنف .. وقعد ياخد نفسه شايل تهمه .. ااااه لاء الواحد لازم يحدد وزن الواحده ليدبس صحتنا ها تروح كدا 
أمه انت بتقول ايه .. ووزن ايه .. ابوك كان واخدنى مهلبيه وفيا الرمئ أمال تاخد واحده معصصه 
باسل بلا رمئ بلا مرقه .. الله يسترك يا ماما ..احنا ماشين ببركة ربنا 
أمه هزت ايديها مين دى يا بركه 
باسل ضحك الله يسترك يا أم البركه .. دى بقى وبيشاور على لولو وقلب وشه .. عملى الاسود .. الذنوب الا عملتها فى حياتى ورفع ايده لفوق أرفع مقتك وعضبك عنا يارب كنت شاب وطايش وانت غفار الذنوب سامحنى 
امه ايوا يعنى مين .. وجايبها عامله كدا ليه اعدل رجلها وايديها الا نازلين على الارض دول
باسل بقسم والله وقسما بالله منا معبرها خليها كدا شبه الفسيخه وهى نايمه .. اوعى ياماما عشان الموضوع محتاج شرح وانا مش قادر .. ودخل على الحمام .. خد شاور وبينادى .. ماما . ماما هاتى فوطه وهدوم 
أمه قامت بعد ما كانت قاعده وبتبص على لولو الا مسافره مش هنا خالص وجابتلو الا هو عايزه .. 
أمه خد قولتك مېت مره ابقى طلع حاجتك قبل ما تدخل الحمام 
باسل البركه فيكى يا ست الكل .. جهزتى الاكل . جعااان جعااان جعااان 
أمه مش قبل ما تقولى مين دى 
باسل جهزى الاكل ونتكلم واحنا بناكل .. وجهزت فعلا الأكل وقاعده بتاكل هى وباسل .. 
باسل ست منى ارجوكى أكل أصبرى شويه 
منى ابدا لازم اعرف حكايتكم ايه .. طبعا الجيران شافتك وفكرهم بيودى ويجيب .. وعلت صوتها اذا كان انا ها اټجنن وأعرف 
باسل دى يا ستى ممرضه ودكتور معرفه طلب منى اوصلها عشان مرهقه شويه قوووم ايه الهانم بلعت برشامه اد كف إيدك وأتسطلت زى ما انتى شايفه كدا 
منى برشامه اد كف ايدى هى تدخل بوئها أصلا 
باسل مجازا يعنى .. ثم كمان دى أكبر حنجره فى التاريخ عليها زور .. يالهووووى لما بتصرخ او بتعترض إعصار يا ماما 
منى .. كل دا عرفته انهارده 
باسل ضحك وضم حواجبه محازا يا ماما مجازا 
منى ضړبته على ايده انت كل كلمه تقولى مجازا .. 
باسل ميل براسه شوفتى أهى ايديها طول لسانها بالظبط كل كلمه ټضرب 
منى طيب وها تفضل نايمه لأمتى 
باسل رفع كتافه الله أعلم انا جعان نوم ومش قادر أقعد خالص .. ونفض ايده ولازم اقوم 
منى شاورت على لولو ودى ها تفضل نايمه كدا عل الكنبه 
باسل دى بقى يتعمل فيها كدا وشد فرشة الكنبه التانيه ورامها على لولو .. ورفع ايده لفوق .. الله يسهلها ويهديها للصبح عشان ارتاح 
منى خد يابنى نيمها جوا ونام انت هنا او فى اوضتى انت عارف ابوك بيجى من برا ينام يبقى ينام جمبك 
باسل والله ما يحصل سيبينى بقى .. ياله تصبحى على خير 
منى وأنت من أهله .. وقامت شالت الأكل .. وأبوه وصل واول ما شافها سأل منى وحكتاله على كل حاجه .. ومن تعبه دخل نام وكلهم نااااموووو وراحو فى النوم ..
زينب انا قلقانه يا صبحى بقالها وقت كبير تليفونها مقفول وقربنا على الفجر ولسا ماجتش 
صبحى يا زينب أكيد تليفونها خلص شحن وانتى عارفه الطريق والتفتيش الناس ممكن تقعد فيه يوم كامل باليله هما ونصيبهم بقى .. نامى واستهدى بالله 
زينب انام وبنتك على طريق زى دا 
صبحى الطريق دا زى غيره ربنا معاهاااا ويبعد عنها الشړ .. استغفر الله .. وقام طلع برا وقعد فى الصاله .. 
 
لولو قايمه بتقل رهيب واتعدلت وبتبص حواليها بأستغراب بتدعك راسها وبهمس انا فين .. وبتلف بجسمها الساعه كام . وعيونها جت على الساعه الا على الحيطه .. 10 .. والنور . معقول .. بيت مين دا .. قامت تفتح باب الشقه مقفول بالمفتاح .. راحت على اوضة منى وبتخبط .. خبطت تانى الباب اتفتح بصت فى الاوضه فاضيه فى المطبخ او الحمام مفيش دخلت الحمام وخرجت .. وراحت على الاوضه بتاعت باسل مفيش غيرها الشقه اوضتين وصاله .. خبطت مفيش رد .. خبطت تانى مفيش .. فتحت الباب براحه وداخله الاوضه برغم ان النهار طالع بس ضلمه كحل بتدور على النور على نور الصاله الا يا دوب عامل ضى خفيف عشان فى طرقه صغيره ... ورجليها اتكعبلت ونزلت على حد بعزم ما فيها . وصړخت ..
لولو أعاااا .. اعااااا . انا بخاف