لفى بينا يا دنيا
العينات دى
لولو بتنطر إيديها فى الهوا هشش يا بابا .. هشششس وزقته بقولك هش انت فى حاجه محشوره فى زورك .. الكلب قرب عليها مسك البنطلون من تحت وبيشده جااامد وباسل بيضحك على منظرهم الاتنين
لولو بتحذير والله ها اضربه وترجعو تزعلو وتقولو عامله عقلك بعقل عينه كلابى عرسى زى دى .. وطت زقته بايدها وأحمد خارج من الاوضه لف حواليه وجرى على لولو وكانه بيشتكليو منها ..
باسل يا تفهه عامله مخك بمخ الأوزعه دا
احمد ساب الكلب ولولو مالك يا ياباسل وبيمسد على دراعه بكتفه
باسل قرب باسه وسلم عليه ولولو كذلك مفيش بابا وانا بتمرن وقعت وقعه شديده شويه
باسل الله يسلمك
لولو لسا واقفه مركزه مع الكلب والكلب مش فاصل عمال يهوهو عليها ..
احمد ربنا يهديكى سبيه فى حاله دا بيحاول يعمل نفسه كلب
لولو يعنى يوم ما يحاول يعمل نفسه كلب يعمل عليااا اناااا ... ووطت مسكته من قفاه ورافعه إيديها بيه
باسل مايل على ابوه وفاصل ضحك وبصوت مقطع مش تسيبه إنهارده غير لما يعترف على نفسه إنه ليه
لولو بتض..رب الك..لب على وشه براحه بقولك أخرس أنت مين مسربك هنا
منى يالولو أرحميه ها يزعل منك ولما بيزعل بيتكوم فى نص الطريق عشان نصالحه
لولو بصتله قوى انت عارف لو لمحتك قدامى ها أنسف...ك وزعقت سامع
منى مش ناوين تفرحونى انت وهى
لولو قريب يا حماتى إن شاء الله لما اقبض ها اجيبلك اخو الليفه إلا جوا دى هديه
باسل قرص خدها وشده جا..مد وهى حطت إيديها على إيده مش ها تبطلى غير لما أخلعها فى إيدى فى مره
منى خلينى كل ما اقولكم تقلوبها هزار
باسل حاضر يا ماما إن شاء الله نفرحك وهى جمبه من الناحيه التانيه .. ما تزعليش بس يامنى كدا .. ها تغدينا إيه إحنا ها نبات معاكى إنهارده
منى أنا عنيه ليكو بس فرحونى يا ولاد .. يا لولو .. شدى حيلك كدا وهاتى عيل والا اتنين
منى قامت ومدت إيديها للولو .. ولولو قامت معاها فى المطبخ وقبل ما تدخل غيرت الاول ..
منى بفرحه عملتى كل دا أمتى
لولو انا ما بعملش حاجه ربنا رزقنى بابنك بيعمل كل حاجه ڠصبا واقتدرا
منى ضحكت والله لو احمد عمل فيا كدا دانا أحبه .. دانتى ماشاء الله مرسومه يابت ورفعت إيديها عقبالى يارب
لولو رفعت صوابعين هما أسبوعين چحيم يا حمياتى وتبقى فله شمعه منوره لا حاسه بحد ولا شايفه قدامك .. لا وإيه بيقدمولك عينات أكل ما هو أفترى بقى
منى مين دول
لولو إبنك .. مفيش غيره
منى شكله قارص عليكى ومطلع عينك
لولو أهئ أهئ .. انا قربت أكتب مذكره فيه وأشتكيه للرياسه ياله عشان ما يدخلش يتجنن عليااا .. وانا مش ناقصه .. انا ماشيه ببركة ربنا معاه واحده غيرى كان زمانها غيرت زيت
منى فضلت تضحك من قلبها والله بحب قعدتك يا بت يا لولو .. ورغيك
لولو طنط هى الليفه إلا جوا دى بتأكلوها ازاى بقمع
منى بظغطه زى البط .. وكملو الأكل وطلعو إتغدو مع بعض .. قعدو يدردشو زى عادتهم وباسل خد أبوه وامه ولولو ونزلو يتمشو مع بعض بالعربيه .. وعزمهم على أيس كريم وقعدو فى جنينه وحقق باقى الحلم وجاب للولو فشار وكان بردو من راجل كبير فى السن ..
باسل أهو كتفى واتكسر بدال الطلقه والفشار وبتكليه فى الجنينه وعم ايوب أهوو
لولو طلع أسمه مجدى
باسل مشيها أيوب الفرق مش كبير
لولو هههه
مر أكتر من سنه ولولو على سريرها نايمه وجمبها البيبى إلا شرف عيلتهم ونورها أخيرا .. وفرحة الكل بيه لا توصف .. كل يوم والتانى يا منى وأحمد عندها يا زينب وصبحى عندها بيلعبو وبيتونسو بالبيبى بتاعهم
باسل نايم جمبهم وشايل أبنه ومبسوط وبصوت واطى بطل .. يا بطل سامعنى وإلا ورثت الطناش من امك
لولو ديقت عيونها اكيد من أبوه مش منى انا
باسل أنت إيه رأيك انا والا امك إلا بنطنش يا استاذ يوسف ويوسف عيط .. وباسل لف وشه للولو شوفتى مش طايقك من عمايلك فيه
لولو هااات .. تعالى يا حبيب ماما .. تعالى وخدته فى حضنها وهدته خالص ونااام .. سابته و خرجت قعدت برا هى وباسل ..
باسل ها تشربى إيه
لولو
اى حاجه تفوقنى
باسل رز باللبن حلو بيفوقك
لولو هههه .. بطل رخامه بقى .. أعملى نسكافيه
باسل هو شاى باللبن فى كنكه واحده انا وانتى
لولو بردو
باسل هز راسه أيواه خلينا مع بعض قبل ما الواد الزنان دا يقوم ويفسد علينا اللحظه
لولو رجعت راسها وضحكت بصوت عالى وباسل حط إيده على بوئها ويوسف زن .. زقها قومى الحقيه وخلينى كدا محسوب عليكو فرد ..
قضو أيامهم كلها كدا يوم حلو ويوم نص نص .. ومشاكسات لطيفه بس فاهمين بعض ولكل شئ حدود فى حياتهم .. الأتنين أتغيرو بحكم الأيام والمواقف إلا بيتحطو فيها بس مشاعرهم لاء .. خروجهم من المواقف الصاعبه والصبر على بعدهم عن بعض بحكم شغلهم القرب كان بيلغيه وبينسيهم اى شئ .. لولو فى وقت قصير بقى لها مكانه كبيره وأتكرمت اكتر من مره لإنها إحترمت مهنتها وقبل مهنتها إحترمت ۏجع الناس وألمهم وقدرته فهمت إن كل شئ رساله مش مهم فى اول الطريق تكون إيه المهم ها تبقى إيه .. مهما كان فشلك فى بدايته
بقلم لبنى طارق
أستغفر الله الذى لا إله إلا هو الحى القيوم وأتوب إليه
